اباي وبلىسى اباي اۋدانىنداعى سارجال اۋىلىندا دوعال بي ەسكەرتكىشى بوي كوتەردى. بۇل تۋرالى وبلىس اكىمدىگى جازدى، دەپ حابارلايدى «ادىرنا» ءتىلشىسى.
«بيىل ءارى بي، ءارى باتىر، اۋزى دا ءىسى دە دۋالى، اسا جومارت جان بولعان «دوعال بي» بابانىڭ تۋعانىنا 250 جىل تولىپ وتىر.
بۇگىندە وسىناۋ مەرەيتوي اياسىندا سارجال اۋىلىندا دوعال بي ەسكەرتكىشى بوي كوتەردى.
سونىمەن قاتار، دوعال بيگە ارنالعان «دۋالى اۋىز دوعال بي» اتتى كىتاپتىڭ تۇساۋكەسەر ءراسىمى ءوتتى.
كەيىن «ۇلتتىق رۋحاني جاڭعىرۋ» ۇلتتىق جوباسىنىڭ «تۋعان جەرگە تاعزىم» اكتسياسى اياسىندا قاناپين بەرىك بەيسەنۇلىنىڭ دەمەۋشىلىگىمەن بوي كوتەرگەن كۇرەس زالى اۋىل حالقىنا سىيعا تارتىلدى.
شارا بارىسىندا اۋدان اكىمىنىڭ ورىنباسارى سماعۇلوۆ مەيىرجان شارانى ۇيىمداستىرعان دوعال بي ۇرپاقتارى مەن اۋىل حالقىنا العىسىن ءبىلدىردى»،—دەلىنگەن حابارلامادا.
شارا سوڭى ۇلتتىق ات سپورتى تۇرلەرىنەن «تاي جارىسى»، «جورعا جارىسى»، «توپ بايگە»، «الامان بايگە» جانە قازاقشا كۇرەسپەن جالعاستى.
سونداي-اق، اۋىل تۇرعىندارى مەن قوناقتارىنا «قالامقاس» ءان-بي ءانسامبلىنىڭ مەرەكەلىك گالا كونتسەرتى ۇسىنىلدى.
