Ulttyq testileý ortalyǵynyń basshysy Rýslan Emelbaev beıne baqylaý kameralarynan bilimdi baǵalaý testin tapsyrý barysynda qoldanylǵan muǵalimderdiń aılasyn kórsetti. Onyń aıtýynsha, keıbir muǵalimder UBT tapsyrýshy túlekterden «asyp ketken» dep habarlaıdy "Adyrna" ulttyq portaly.
10 shildede respýblıka boıynsha muǵalimderdiń bilimin baǵalaý bastaldy. Emelbaev keıbir muǵalimderdiń bilimine emes, aıla-amalyna súıenip, testileýge kelgenin atap ótti.
"Dostar, myna beınejazbalardy muqııat kórip shyqsańyzdar. Bul bir ekshn fılmniń bólikteri emes. Barlyǵy shynaıy ómirde bolyp otyr... 10 shildede elimizde Pedagogterdiń bilimin baǵalaý bastaldy. Biraq testileýge keıbir muǵalimder bilimine emes, aılasyna senip kelgen sııaqty. Mysaly, bir óńirde bir kún ishinde 34 pedagogtiń buzýshylyqtary birden anyqtalyp, olar 5 jylǵa deıin test tapsyrý múmkindiginen aıyryldy. UBT-dan keıin bizdi eshkim jáne eshnárse tańǵaldyrmaıdy dep oılaǵanbyz. Biraq, ókinishke oraı, qýlyq jasaý boıynsha keıbir muǵalimder oqýshylardan da asyp tústi" dep jazdy ol.
Emelbaev bul faktiler boıynsha shara qoldanylyp, beınejazbalar quzyrly organdarǵa beriletinin aıtty.
"Qurmetti pedagogter, muǵalim bolý úlken jaýapkershilikti talap etedi. Óıtkeni búkil ulttyń bolashaǵy sizderdiń qoldaryńyzda. Al bundaı áreketter «muǵalim» degen ataýǵa kir keltiredi.", - dep qosty Ulttyq ortalyq basshysy.
Posmotret etý pýblıkaııý v Instagram
"Adyrna" ulttyq portaly
