قر بالا قۇقىقتارى جونىندەگى ۋاكىلى دينارا زاكيەۆا استانا قالاسىندا ساۋدا ورتالىعىندا بولعان توبەلەسكە قاتىستى ويىمەن ءبولىستى، دەپ جازادى "ادىرنا".
18 ماۋسىم كۇنى استانا قالاسىنداعى ساۋدا ورتالىقتارىنىڭ بىرىندە كىشكەنتاي بالانى كوتەرىپ تۇرعان ازاماتقا بوكسشى بەيبىت شۇمەنوۆ جۇدىرىق الا جۇگىرىپ، توبەلەس ورىن العان بولاتىن.
كەيىننەن شۇمەنوۆ سوققىعا جىققان ەر ادامنىڭ ۇلىندا اۋتيزم بەلگىلەرى بار ەكەندىگى ايتىلدى.
كادرلاردان بالانىڭ قاۋىپسىزدىگىنە قاۋىپ ءتونۋ فاكتىسى الەۋمەتتىك جەلىلەردە جاريالانعان بەينەمەن راستالاتىنىن ايتتى دينارا زاكيەۆا.
"بۇل جاعدايدا تۇلعانى جاۋاپكەرشىلىككە "قورقىتۋ" اتتى قر قك-ءنىڭ 115-بابى بويىنشا تارتۋ قاجەت دەپ ويلايمىن. قولدانىستاعى زاڭنامادا بالانىڭ قاۋىپسىزدىگى مەن دەنساۋلىعىنا قاۋىپ توندىرەتىن جاعداي تۋعىزۋ ءۇشىن جاۋاپكەرشىلىكتى كوزدەيتىن باپ جوق. بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا زاڭناماعا دايىندالعان وزگەرىستەر بلوگىنا ءتيىستى ۇسىنىس ەنگىزەتىن بولامىن" دەپ جازدى ول الەۋمەتتىك جەلىدەگى پاراقشاسىندا.
سونداي-اق، ول كەز-كەلگەن جاعدايدا ەرەسەكتەر بالالار تۋرالى ويلاۋى قاجەت ەكەنىن جەتكىزدى.
ەستەرىڭىزگە سالا كەتەيىك، اتالعان جاعدايدان سوڭ بەيبىت شۇمەنوۆتىڭ قانداي جازا ارقالايتىنى جايلى حابارلانعان بولاتىن. وعان ەكى جىلعا دەيىن باس بوستاندىعىنان ايىرىلۋ جازاسى ءتونىپ تۇرعانى ايتىلدى.
