QR Bala qūqyqtary jönındegı uäkılı Dinara Zäkieva Astana qalasynda sauda ortalyǧynda bolǧan töbeleske qatysty oiymen bölıstı, dep jazady "Adyrna".
18 mausym künı Astana qalasyndaǧy sauda ortalyqtarynyŋ bırınde kışkentai balany köterıp tūrǧan azamatqa boksşy Beibıt Şümenov jūdyryq ala jügırıp, töbeles oryn alǧan bolatyn.
Keiınnen Şümenov soqqyǧa jyqqan er adamnyŋ ūlynda autizm belgılerı bar ekendıgı aityldy.
Kadrlardan balanyŋ qauıpsızdıgıne qauıp tönu faktısı äleumettık jelılerde jariialanǧan beinemen rastalatynyn aitty Dinara Zäkieva.
"Būl jaǧdaida tūlǧany jauapkerşılıkke "Qorqytu" atty QR QK-nıŋ 115-baby boiynşa tartu qajet dep oilaimyn. Qoldanystaǧy zaŋnamada balanyŋ qauıpsızdıgı men densaulyǧyna qauıp töndıretın jaǧdai tuǧyzu üşın jauapkerşılıktı közdeitın bap joq. Balalardyŋ qauıpsızdıgın qamtamasyz etu mäselelerı boiynşa zaŋnamaǧa daiyndalǧan özgerıster blogyna tiıstı ūsynys engızetın bolamyn" dep jazdy ol äleumettık jelıdegı paraqşasynda.
Sondai-aq, ol kez-kelgen jaǧdaida eresekter balalar turaly oilauy qajet ekenın jetkızdı.
Esterıŋızge sala keteiık, atalǧan jaǧdaidan soŋ Beibıt Şümenovtyŋ qandai jaza arqalaityny jaily habarlanǧan bolatyn. Oǧan ekı jylǧa deiın bas bostandyǧynan aiyrylu jazasy tönıp tūrǧany aityldy.
