قازاقستاننىڭ اقش-تاعى ەلشىسى ەرجان اشىقباەۆ استانا اكىمىنىڭ بۇرىنعى ورىنباسارى قانات سۇلتانبەكوۆ تۋرالى ايتتى، - دەپ حابارلايدى "ادىرنا" پورتالى Tengrinews-كە سىلتەپ.
جۋرناليست LRT قۇرىلىسى كەزىندە قارجى جىمقىردى دەگەن ايىپ تاعىلعان استانا اكىمىنىڭ بۇرىنعى ورىنباسارى قانات سۇلتانبەكوۆتىڭ نەگە نيۋ-يوركتە تۇرىپ جاتقانىن جانە ءالى ۇستالماعانىن سۇرادى.
"سۇراق، دۇرىسى، ءبىزدىڭ امەريكالىق ارىپتەستەرىمىزگە دە قويىلۋى كەرەك. ەكى ەل اراسىندا بەلگىلى ءبىر قۇقىقتىق تەتىكتەر بار جانە وسى كەلىسىمدە كورسەتىلگەن بارلىق قاجەتتى شارتتى ساقتاۋ قاجەت. ولار، ارينە، كىنالى ادامداردى جاۋاپقا تارتۋعا مۇمكىندىك بەرەدى. كىنالى، باسا ايتامىن. قالعانى قۇقىق قورعاۋ ورگاندارىنىڭ جۇمىسى", - دەدى اشىقباەۆ سۇحباتىندا.
