رەسەي مەملەكەتتىك دۋماسىنىڭ دەپۋتاتى ۆيكتور سوبولەۆ قازاقستاندا رۋسوفوبيا بار ەكەنىن ايتتى. بۇل تۋرالى ول «پۋتين ۆ تەلەگرام» ارناسىنا بەرگەن سۇقباتىندا مالىمدەدى، دەپ حابارلايدى «ادىرنا» ءتىلشىسى.
«رەسەي قازاقستاندى ءىس جۇزىندە ازاماتتىق سوعىستان قۇتقاردى، بىراق بۇل ەلدە رۋسوفوبيا ماسەلەسى بار»،—دەدى ول.
قازاقستان سىرتقى ىستەر مينيسترلىگى رەسەيلىك دەپۋتاتتىڭ سوزىنە قاتىستى پىكىر ءبىلدىردى.
«مۇنداي مالىمدەمەلەرگە مونيتورينگ جۇرگىزەمىز. قازاقستانعا قاتىستى سىرتقى ساياساتتى تەك كرەمل مەن رەسەي فەدەراتسياسىنىڭ سىرتقى ىستەر مينيسترلىگى جۇرگىزەدى. ءبىز مۇنداي بوس سوزدەرگە اسا ءمان بەرە بەرمەيمىز. بىراق ءبىز وزىمىزگە اقپارات رەتىندە بەلگىلەپ وتىرامىز»، - دەدى قازاقستان ءسىم ءباسپاسوز حاتشىسى ايبەك سمادياروۆ.
