ىلە-بالقاش قورىعىنداعى تابيعي ءورت اۋىزدىقتالدى، دەپ حابارلايدى “ادىرنا”.
2023 جىلدىڭ 6 شىلدەسى كۇنى ساعات 21:00-دە الماتى وبلىسىنىڭ توتەنشە جاعدايلار دەپارتامەنتىنە حابارلاما كەلىپ تۇسكەن. قاراوي اۋىلدىق وكرۋگىندە، «ىلە-بالقاش» رمم-ءنىڭ اۋماعىندا ءورت شىعىپ، ول جاققا جەتۋ قيىن ەكەنى جولدانعان. قىزىل جالىندى قۇرىقتاۋعا 22 ادام مەن 8 بىرلىك تەحنيكانىڭ كۇشىمەن قولدا بار قۇرالداردى پايدالانىپ، ورت وشاقتارىن جويۋ جۇمىستارى جۇرگىزىلگەن ەدى. سونداي-اق، ەلدى مەكەندەرگە تونەر قاۋىپ جوق.
بۇگىن توتەنشە جاعدايلار مينيسترلىگى ىلە-بالقاش قورىعىندا تابيعي ءورت سوندىرىلگەنىن مالىمدەدى. ورتتەن زارداپ شەككەندەر جوق. ءتىلسىز جاۋدى سوندىرۋگە 26 ادام مەن 13 تەحنيكا، سونىڭ ىشىندە ىلە-بالقاش گپر جانە دسج موتوپومپالارى، سۋ كولىكتەرى جانە دروندارى قاتىسىپ، ءورت وشاقتارىن ءسوندىردى.
