Ile-Balqash qoryǵyndaǵy tabıǵı órt aýyzdyqtaldy, dep habarlaıdy “Adyrna”.
2023 jyldyń 6 shildesi kúni saǵat 21:00-de Almaty oblysynyń Tótenshe jaǵdaılar departamentine habarlama kelip túsken. Qaraoı aýyldyq okrýginde, «Ile-Balqash» RMM-niń aýmaǵynda órt shyǵyp, ol jaqqa jetý qıyn ekeni joldanǵan. Qyzyl jalyndy quryqtaýǵa 22 adam men 8 birlik tehnıkanyń kúshimen qolda bar quraldardy paıdalanyp, órt oshaqtaryn joıý jumystary júrgizilgen edi. Sondaı-aq, eldi mekenderge tóner qaýip joq.
Búgin Tótenshe jaǵdaılar mınıstrligi Ile-Balqash qoryǵynda tabıǵı órt sóndirilgenin málimdedi. Órtten zardap shekkender joq. Tilsiz jaýdy sóndirýge 26 adam men 13 tehnıka, sonyń ishinde Ile-Balqash GPR jáne DSJ motopompalary, sý kólikteri jáne drondary qatysyp, órt oshaqtaryn sóndirdi.
