بۇگىندە قازاقستان نارىعىندا ەكىنشى دەڭگەيلى 21 بانك جۇمىس ىستەيدى. بۇل رەتتە 9 بانك قۇردىمعا كەتۋ ساتىسىندا تۇر، دەپ حابارلايدى “ادىرنا” ۇلتتىق پورتالى.
قر قارجى نارىعىن رەتتەۋ جانە دامىتۋ اگەنتتىگى 2022 جىلدىڭ باسىنان بەرى ەكىنشى دەڭگەيلى بانكتىڭ باسشىلىق لاۋازىمىنا 13 كانديداتتى بەكىتۋدەن باس تارتقان.
“باعالى قاعازدار نارىعىندا قازىر 49 سۋبەكت جۇمىس ىستەۋدە.
ساقتاندىرۋ سالاسىندا 26 ۇيىم جۇمىس ىستەيدى، 2022 جىلدان باستاپ ۋاكىلەتتى ورگان باسشى قىزمەتكەر لاۋازىمىنا 11 كانديداتتى بەكىتۋدەن باس تارتتى”، - دەلىنگەن قر قارجى نارىعىن رەتتەۋ جانە دامىتۋ اگەنتتىگىنىڭ مالىمدەمەسىندە.
قۇردىمعا كەتۋدىڭ الدىندا تۇرعان بانكتەر قاتارىندا: ۆاليۋتالىق ترانزيت بانكى، قازينۆەستبانك، Delta Bank, ەكسيمبانك قازاقستان، استانا بانكى، Qazaq Banki, Tengri Bank, AsiaCredit Bank, Capital Bank Kazakhstan بار.
اگەنتتىكتىڭ حابارلاۋىنشا نورماتيۆتىك ساياسات جونىندەگى كونسۋلتاتيۆتىك قۇجاتقا سايكەس، ميكروكرەديت سەكتورىندا 252 ميكروقارجى ۇيىمىنىڭ ميكروقارجى قىزمەتىن جۇزەگە اسىرۋعا ليتسەنزياسى بار. ال وتكەن جىلدىڭ باسىنان بەرى 17 كومپانيا ليتسەنزياسىنان ايىرىلىپ ۇلگەرگەن.
