قازاقستان رەسپۋبليكاسى پارلامەنتى ءماجىلىسىنىڭ دەپۋتاتى اسحات ايماعامبەتوۆ الماتىعا جۇمىس ساپارى بارىسىندا قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنا باردى.
ءماجىلىس دەپۋتاتىمەن وتكەن كەزدەسۋگە قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسىنىڭ باسقارما باسشىسى كۇنسۇلۋ زاكاريا مەن اكادەميا قىزمەتكەرلەرى، سونداي-اق بەلگىلى عالىمدار قاتىستى. دوڭگەلەك ۇستەل فورماتىندا وتكەن جيىن نەگىزىنەن ماجىلىستە ازىرلەنگەن «عىلىم جانە تەحنولوگيالىق ساياسات» تۋرالى زاڭ جوباسىنا ارنالدى.
اسحات قاناتۇلى زاڭدا نەگىزگە الىنعان وزەكتى ماسەلەلەر تۋرالى ايتىپ، ءالى دە تولىقتىرىلۋى ءتيىس جايتتاردى ورتاعا سالدى. قر ۇعا باسقارما باسشىسى كۇنسۇلۋ زاكاريا نازاردان تىس قالعان بىرقاتار ماسەلەگە توقتالىپ ءوتتى.
باسقوسۋ نەگىزىنەن وتاندىق عىلىمدى دامىتۋ تاقىرىبىنا ارنالدى. عالىمدارعا قولايلى ورتا مەن جاعداي جاساۋ تۋرالى، عىلىمدى تانىتۋدىڭ العىشارتتارى جايلى اڭگىمە ءوربىدى. ءماجىلىس دەپۋتاتى ءوز سوزىندە بۇل العاشقى جيىن ەكەنىن ايتىپ، عىلىم توڭىرەگىندە ءالى دە تالاي باسقوسۋ بولاتىنىن جەتكىزدى.
