Qazaqstan Respýblıkasy Parlamenti Májilisiniń depýtaty Ashat Aımaǵambetov Almatyǵa jumys sapary barysynda Qazaqstan Respýblıkasy Prezıdentiniń janyndaǵy Qazaqstan Respýblıkasynyń Ulttyq ǵylym akademııasyna bardy.
Májilis depýtatymen ótken kezdesýge Qazaqstan Respýblıkasy Prezıdentiniń janyndaǵy Qazaqstan Respýblıkasynyń Ulttyq ǵylym akademııasynyń Basqarma basshysy Kúnsulý Zakarıa men akademııa qyzmetkerleri, sondaı-aq belgili ǵalymdar qatysty. Dóńgelek ústel formatynda ótken jıyn negizinen májiliste ázirlengen «Ǵylym jáne tehnologııalyq saıasat» týraly zań jobasyna arnaldy.
Ashat Qanatuly zańda negizge alynǵan ózekti máseleler týraly aıtyp, áli de tolyqtyrylýy tıis jaıttardy ortaǵa saldy. QR UǴA Basqarma basshysy Kúnsulý Zakarıa nazardan tys qalǵan birqatar máselege toqtalyp ótti.
Basqosý negizinen otandyq ǵylymdy damytý taqyrybyna arnaldy. Ǵalymdarǵa qolaıly orta men jaǵdaı jasaý týraly, ǵylymdy tanytýdyń alǵysharttary jaıly áńgime órbidi. Májilis depýtaty óz sózinde bul alǵashqy jıyn ekenin aıtyp, ǵylym tóńireginde áli de talaı basqosý bolatynyn jetkizdi.
