ۆلاديمير زەلەنسكي سوعىستىڭ 500-ءشى كۇنىندە ۋكراينالىقتارعا العىس ءبىلدىردى. "جىلان" ارالىنان ۋكرايندارعا ۇندەۋ ايتىپ، سالەمدەمەسىن جەتكىزدى، دەپ حابارلايدى "ادىرنا" ۇلتتىق پورتالى.
"وسى 500 كۇن ىشىندە ءبىزدىڭ ءاربىر جاۋىنگەرىمىزگە جەڭىس تۇعىرىنا تابان تىرەي وتىرىپ العىس ايتقىم كەلەدى. ءبىزدىڭ قارۋلى كۇشتەرىمىز، بارلاۋ قىزمەتى، ۇلتتىق گۆارديامىز، شەكاراشىلارىمىز، ۋكراينانىڭ قاۋىپسىزدىك قىزمەتى، ءبىزدىڭ پوليتسيامىز، بايلانىسشىلارىمىز، حالقىمىز...
مەن ۋكراينا جولىندا جانىن پيدا ەتىپ، سوعىسقانداردىڭ بارلىعىنا العىس ايتامىن. ءبىزدىڭ بارلىق قاھارماندار، ۋكراينا ءۇشىن كۇرەسىپ، بوستاندىقتى جاقىنداتقاندار، ۋكراينا ءۇشىن ءومىر سىيلاعاندار ءۇشىن قۇرمەتىمىز بولسىن", - دەدى پرەزيدەنت.
ەسكە سالا كەتەيىك، رەسەي اسكەرلەرى "جىلان" ارالىن باسقىنشىلىق قادامدارىن جۇرگىزگەن العاشقى كۇندەردىڭ بىرىندە باسىپ الدى. ۋكراينا 2022 جىلدىڭ جازىندا ارالدى قولىنا الىپ، ءوز قاراماعىنا قايتا قوستى.
"ادىرنا" ۇلتتىق پورتالى
