Vladımır Zelenskıı soǵystyń 500-shi kúninde ýkraınalyqtarǵa alǵys bildirdi. "Jylan" aralynan ýkraındarǵa úndeý aıtyp, sálemdemesin jetkizdi, dep habarlaıdy "Adyrna" ulttyq portaly.
"Osy 500 kún ishinde bizdiń árbir jaýyngerimizge jeńis tuǵyryna taban tireı otyryp alǵys aıtqym keledi. Bizdiń Qarýly Kúshterimiz, barlaý qyzmeti, ulttyq gvardııamyz, shekarashylarymyz, Ýkraınanyń qaýipsizdik qyzmeti, bizdiń polıııamyz, baılanysshylarymyz, halqymyz...
Men Ýkraına jolynda janyn pıda etip, soǵysqandardyń barlyǵyna alǵys aıtamyn. Bizdiń barlyq qaharmandar, Ýkraına úshin kúresip, bostandyqty jaqyndatqandar, Ýkraına úshin ómir syılaǵandar úshin qurmetimiz bolsyn", - dedi prezıdent.
Eske sala keteıik, Reseı áskerleri "Jylan" aralyn basqynshylyq qadamdaryn júrgizgen alǵashqy kúnderdiń birinde basyp aldy. Ýkraına 2022 jyldyń jazynda araldy qolyna alyp, óz qaramaǵyna qaıta qosty.
"Adyrna" ulttyq portaly
