قىزىلوردا وبلىسىنداعى ەكى اۋدان تۇرعىنىن كەنە شاعىپ، اقىرى ولىمگە اكەلدى. كونگو-قىرىم گەمورراگيالىق قىزباسىن جۇقتىرعان ەكى تۇرعىننىڭ دەمى ءۇزىلدى، دەپ حابارلايدى "ادىرنا" ۇلتتىق پورتالى.
24kz-ءتىڭ جازۋىنشا، اۋرۋحاناعا جاڭاقورعان اۋدانىنان 77 جاستاعى ەر ادام، شيەلى اۋدانىنان 51 جاستاعى ەر ادام جەتكىزىلگەن. ولاردىڭ جاعدايى ناشارلاپ، ەم قابىلداماستان قايتىس بولعان. ولارعا كونگو-قىرىم گەمورراگيالىق قىزباسى دياگنوزى قويىلدى.
ء"ار جاعدايدى تىركەگەن كەزدە 12 ساعات ىشىندە جەكە اۋماقتاردى، مال قورالارى مەن جانۋارلاردى دەزينفەكتسيالاۋ جۇرگىزىلەدى. بارلىق بايلانىستا بولعان ادامدار 14 كۇن بويى دارىگەرلەردىڭ باقىلاۋىندا بولادى. جالپى ءۇش اي - مامىر، ماۋسىم، شىلدە كەنەنىڭ قاۋىپتى تۇرلەرىنىڭ بەلسەندى بولاتىن ۋاقىتى. سوندىقتان وبلىس تۇرعىندارىن ساقتىق شارالارىن ورىنداپ، شاققان جاعدايدا دەرەۋ دارىگەرگە قارالۋىن سۇرايمىز", - دەدى قىزىلوردا وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسىنىڭ ورىنباسارى ءاليا ابدىقايىموۆا.ەستەرىڭىزگە سالا كەتەيىك، بۇعان دەيىن تايلاندتان كەلگەن 37 جاستاعى قىزىلجارلىق ازامات دەنگە بەزگەگىن سول جاقتان جۇقتىرىپ كەلگەن ەدى. دەنساۋلىق ساقتاۋ مينيسترلىگىنىڭ مالىمەتىنشە، ول ينفەكتسيانى ماسا شاعۋى ارقىلى جۇقتىرعانى ايتىلادى.
"ادىرنا" ۇلتتىق پورتالى
ۇقساس جاڭالىقتار
