Qyzylorda oblysyndaǧy ekı audan tūrǧynyn kene şaǧyp, aqyry ölımge äkeldı. Kongo-qyrym gemorragiialyq qyzbasyn jūqtyrǧan ekı tūrǧynnyŋ demı üzıldı, dep habarlaidy "Adyrna" ūlttyq portaly.
24kz-tıŋ jazuynşa, auruhanaǧa Jaŋaqorǧan audanynan 77 jastaǧy er adam, Şielı audanynan 51 jastaǧy er adam jetkızılgen. Olardyŋ jaǧdaiy naşarlap, em qabyldamastan qaitys bolǧan. Olarǧa Kongo-qyrym gemorragiialyq qyzbasy diagnozy qoiyldy.
"Är jaǧdaidy tırkegen kezde 12 saǧat ışınde jeke aumaqtardy, mal qoralary men januarlardy dezinfeksiialau jürgızıledı. Barlyq bailanysta bolǧan adamdar 14 kün boiy därıgerlerdıŋ baqylauynda bolady. Jalpy üş ai - mamyr, mausym, şılde kenenıŋ qauıptı türlerınıŋ belsendı bolatyn uaqyty. Sondyqtan oblys tūrǧyndaryn saqtyq şaralaryn oryndap, şaqqan jaǧdaida dereu därıgerge qaraluyn sūraimyz", - dedı Qyzylorda oblysy boiynşa sanitarlyq-epidemiologiialyq baqylau departamentınıŋ basşysynyŋ orynbasary Äliia Äbdıqaiymova.Esterıŋızge sala keteiık, būǧan deiın Tailandtan kelgen 37 jastaǧy qyzyljarlyq azamat denge bezgegın sol jaqtan jūqtyryp kelgen edı. Densaulyq saqtau ministrlıgınıŋ mälımetınşe, ol infeksiiany masa şaǧuy arqyly jūqtyrǧany aitylady.
"Adyrna" ūlttyq portaly
Ūqsas jaŋalyqtar
