الماتىدا قوعامدىق كولىكتە جول ءجۇرۋ اقىسى كوتەرىلۋى مۇمكىن. "اشىق نقا" سايتىندا الماتى اكىمدىگىنىڭ قاۋلىسىنىڭ جوباسى جاريالاندى، - دەپ حابارلايدى "ادىرنا" پورتالى.
قازىرگى ۋاقىتتا الماتى قالاسىندا قوعامدىق كولىكتە ءجۇرۋ اقىسى قولما-قول اقشاسىز تولەۋ كەزىندە 80 تەڭگە بولىپ بەلگىلەنگەن. بۇل مولشەرلەمە 2012 جىلى بەلگىلەندى جانە بۇگىنگە دەيىن وزگەرىسسىز قالدى. 2017 جىلدان باستاپ قولما-قول تولەم ءۇشىن جول ءجۇرۋ اقىسى 150 تەڭگە بولىپ بەكىتىلدى.
"سوڭعى 11 جىلدا تاسىمالداۋشىلار كوتەرگەن بارلىق شىعىن باپتارىنىڭ قۇنى ايتارلىقتاي ءوستى. ماسەلەن، ديزەل وتىنىنىڭ قۇنى 90 تەڭگە بولسا، بۇگىندە ول 295 تەڭگە (+328 پايىز) بولدى، گازدىڭ قۇنى 2007 جىلى 33 تەڭگە، ال بۇگىنگى كۇنى 108 تەڭگە (+327 پايىز) بولىپ بەلگىلەندى. سونىمەن قاتار، اۆتوبۋستاردىڭ قۇنىن قوسا العاندا، باسقا دا شىعىندار بويىنشا دا جاعداي وسىنداي", - دەدى الماتى قالاسى اكىمدىگى.
اكىمدىكتىڭ مالىمەتىنشە، بۇل شىعىندار تاسىمالداۋشىلاردىڭ شىعىنىن سۋبسيديالاۋ كولەمىنەن تىكەلەي كورىنەدى. ماسەلەن، 2017-2022 جىلدار ارالىعىندا سۋبسيديالاۋ كولەمى 13,8 ەسەگە، ياعني 6,9 ميلليارد تەڭگەدەن 50 ميلليارد تەڭگەگە دەيىن ءوستى. وسى جىلى سۋبسيديالاردىڭ بولجامدى كولەمى بەكىتىلگەن تاريف بويىنشا شامامەن 85,5 ميلليارد تەڭگە بولىپ، بەلگىلى ءبىر "بيۋدجەتكە اۋىرتپالىق" تۋعىزىپ وتىر.
"وسى جىلى تاريفتەردى ەسەپتەۋ ادىستەمەسى بويىنشا ءتاريفتىڭ ورتاشا قۇنى 425 تەڭگە بولدى. وسىعان بايلانىستى 2023 جىلى ءتاريفتىڭ قۇنىن قايتا قاراپ، قولما-قول اقشاسىز تولەۋ 100 تەڭگە، قولما-قول تولەم ءۇشىن جول ءجۇرۋ اقىسى 200 تەڭگە بولىپ بەكىتىلدى", - دەلىنگەن جازابادا.
ەسكە سالا كەتەيىك، استانادا تاريف قۇنى 90 تەڭگەدەن 180 تەڭگەگە دەيىن، شىعىس قازاقستان وبلىسىندا 90 تەڭگەدەن 130 تەڭگەگە دەيىن، جامبىل وبلىسىندا 85 تەڭگەدەن 130 تەڭگەگە دەيىن، قوستاناي وبلىسىندا 100 تەڭگەدەن 170 تەڭگەگە دەيىن كوتەرىلگەن.
