ەكس-پرەزيدەنت نۇرسۇلتان نازارباەۆتىڭ كەڭسەسىن ۇستاۋعا شامامەن 4 ميلليارد تەڭگە سۇرالدى، دەپ حابارلايدى "ادىرنا" ءتىلشىسى.
«نەگىزدەمە – شىعىستار كىتاپحانانىڭ، جەكە مۇراعاتتىڭ جانە قازاقستان رەسپۋبليكاسى تۇڭعىش پرەزيدەنتىنىڭ مۇراجايىنىڭ جۇمىس ىستەۋىنە باعىتتالعان; 2024 – 1 195 450 000 تەڭگە، 2025 – 1 328 275 000 تەڭگە، 2026 – 1 338 684 000 تەڭگە»، — دەلىنگەن «اشىق بيۋدجەتتەر» سايتىندا.
مەملەكەتتىك بيۋدجەتتىك باعدارلامالار سايتىندا نازارباەۆ كىتاپحاناسىن قارجىلاندىرۋ جوباسى تالقىلانۋدا. وسى ماقساتتا تۇڭعىش پرەزيدەنتتىڭ جەكە كىتاپحاناسىنىڭ، مۇراعاتىنىڭ جانە مۇراجايىنىڭ جۇمىسىن ۇيىمداستىرۋ، ونىڭ قازاقستان رەسپۋبليكاسىنىڭ قالىپتاسۋ جانە دامۋ تاريحىنداعى ءرولى، سونداي-اق ونىڭ شىعارماشىلىعىن اقپاراتتىق جانە يميدجدىك ناسيحاتتاۋ، كرەاتيۆتى يدەيالار مەن باستامالار كورسەتىلگەن.
وسىلايشا، نازارباەۆتىڭ كەڭسەسىنىڭ 100% جۇمىس ىستەۋىن قامتاماسىز ەتۋ شامامەن 4 ملرد. تەڭگە قاراجات جوسپارلانعان.
مالىمەتتەرگە سايكەس، 2022 جىلعا 962 973 000 تەڭگە جۇمسالدى، اعىمداعى جىلدىڭ جوسپارى 958 196 000 تەڭگە.
جوبا 19 ماۋسىمدا جاريالاندى، قوعامدىق تالقىلاۋ 3 شىلدەدە اياقتالدى. 5 شىلدەدە اشىق داۋىس بەرۋ قورىتىندىسى بويىنشا ەسەپ شىعادى دەپ كۇتىلۋدە.
بۇعان دەيىن، نازارباەۆتىڭ كەڭسەسىن («كىتاپحانا») ءۇش جىل بويى قارجىلاندىرۋعا 5,6 ملرد تەڭگە جۇمسالعانى ايتىلدى. سونداي-اق، نازارباەۆتىڭ كەڭسەسى كولىك قىزمەتىنە 65 ملن تەڭگە مەملەكەت قاراجاتىن جۇمساماق.
ارتىنشا ناۋرىز ايىندا بيلىك كىتاپحانادان مەملەكەتتىك قارجىلاندىرۋدى قىسقارتۋ مۇمكىندىگىن قاراستىرۋعا ۋادە بەردى.
ماۋسىم ايىندا قارجى ءمينيسترى بيلىك نازارباەۆتىڭ كەڭسەسىن قارجىلاندىرۋدى توقتاتقىسى كەلەتىنىن ايتتى.
"ادىرنا" ۇلتتىق پورتالى
