اقش پرەزيدەنتى دونالد ترامپ اق ءۇيدىڭ باتىس قاناتىنداعى روزا باعى كولونناسىنىڭ بويىندا «پرەزيدەنتتىك داڭق اللەياسىن» اشتى، دەپ حابارلايدى "ادىرنا".
“اق ءۇيدىڭ باتىس قاناتىندا «پرەزيدەنتتىك داڭق اللەياسى» پايدا بولدى،” — دەپ جازدى پرەزيدەنتتىڭ ارنايى كومەكشىسى جانە كوممۋنيكاتسيالار جونىندەگى كەڭەسشىسى مارگو مارتين X-تە بولىسكەن جازباسىندا.
الايدا، بۇرىنعى پرەزيدەنتتەرگە ارنالعان ورىنداردىڭ ءبىرى ەرەكشەلەنىپ تۇر. دجو بايدەن پورترەتىنىڭ ورنىندا اۆتوقالاممەن (Autopen) قويىلعان قولتاڭبا سۋرەتى تۇر.
ترامپ بايدەننىڭ ماڭىزدى قۇجاتتارعا ءوز قولىمەن قول قويۋدىڭ ورنىنا اۆتوقالامدى شامادان تىس پايدالانعانى تۋرالى بىرنەشە رەت ايتقان. ماۋسىم ايىندا ول بايدەننىڭ «كوگنيتيۆتى قابىلەتىنىڭ تومەندەۋى» ايتىلاتىن مەموراندۋمداعى ونىڭ Autopen-ءدى پايدالانعانىن تەكسەرۋدى بۇيىردى.
