قازاقستاندىق ءانشى تورەعالي تورەالى الماتىدا تاعى ەكى زاڭ بۇزۋشىلىققا كىنالى دەپ تانىلدى، دەپ حابارلايدى "ادىرنا" ۇلتتىق پورتالى.
«سوت ازامات ا.-نى 15 تاۋلىككە اكىمشىلىك قاماۋعا الىپ، التى اي مەرزىمگە كولىك قۇرالىن باسقارۋ قۇقىعىنان ايىردى»، - دەپ حابارلايدى الماتى سوتىنىڭ ءباسپاسوز قىزمەتى.
تورەعالي تورەالى جول بەلگىلەرىنىڭ قوس تۇتاس سىزىعى ارقىلى بۇرىلىس جاسادى جانە پوليتسيا قىزمەتكەرلەرىنىڭ زاڭدى تالاپتارىن ورىندامادى دەپ ايىپتالدى.
ءارتىستىڭ بۇل فاكتىلەردى راستاپ، وكىنگەنى ايتىلدى. ول اقبتك-ءنىڭ 596-بابىنىڭ 3-بولىگىمەن كىنالى دەپ تانىلدى.
ەسكە سالايىق، بۇعان دەيىن تورەعالي تورەالى ەسىرتكىگە ماس كۇيىندە كولىك قۇرالىن باسقارعانى ءۇشىن 20 تاۋلىككە قاماۋعا الىنعان بولاتىن. وسىدان كەيىن وعان تاعى ءۇش كۇن قاماۋ كۇندەرى قوسىلدى.
