شىمكەنت قالاسىندا كليزمادان كۇيىپ قالعان بالاعا قاتىستى اۋرۋحانانىڭ باس دارىگەرىنە تاعى تارتىپتىك جازا قولدانىلدى. قالا اكىمى عابيدوللا ءابدىراحىموۆتىڭ تاپسىرماسى بويىنشا دەنساۋلىق ساقتاۋ باسقارماسى باسشىسىنىڭ بۇيرىعىمەن قالالىق جۇقپالى اۋرۋلار اۋرۋحاناسىنىڭ باس دارىگەرى امانگەلدى نۇرلىباەۆقا سوگىس جاريالاندى، - دەپ حابارلايدى Otyrar.kz ءتىلشىسى.
سونداي-اق، 6 ساۋىردە شىمكەنتتە وتكەن باسقوسۋدا قر دسم قوعامدىق دەنساۋلىق ساقتاۋ كوميتەتىنىڭ توراعاسى ج.بەكشين شىمكەنت قالاسىنىڭ اكىمى مەن دەنساۋلىق ساقتاۋ باسقارماسىنىڭ باسشىلىعىنا جۇقپالى اۋرۋلار اۋرۋحاناسىنىڭ باس دارىگەرىنىڭ قىزمەتىنە سايكەستىگىن، لاۋازىمىنا لايىقتىعىن قاراستىرۋ تۋرالى ۇسىنىس بەرەتىنىن ايتقان بولاتىن. ەسكە سالايىق، 28 ناۋرىزدا 10 ايلىق بوبەككە قايناعان سۋمەن كليزما جاساعان مەدبيكە تىكىشەگى مەن جامباسىن كۇيدىرگەن ەدى. ءسابي قازىر الماتىداعى ارنايى ورتالىقتا ەم الىپ جاتىر. دارىگەرلەر ونىڭ قازىرگى جاعدايى ورتاشا تۇراقتى دەپ وتىر.
