Shymkenttik bas dárigerge sógis jarııalandy

115

Shymkent qalasynda klızmadan kúıip qalǵan balaǵa qatysty aýrýhananyń bas dárigerine taǵy tártiptik jaza qoldanyldy. Qala ákimi Ǵabıdolla Ábdirahymovtyń tapsyrmasy boıynsha densaýlyq saqtaý basqarmasy basshysynyń buıryǵymen qalalyq juqpaly aýrýlar aýrýhanasynyń bas dárigeri Amangeldi Nurlybaevqa sógis jarııalandy, - dep habarlaıdy Otyrar.kz tilshisi.

Sondaı-aq, 6 sáýirde Shymkentte ótken basqosýda QR DSM Qoǵamdyq densaýlyq saqtaý Komıtetiniń tóraǵasy J.Bekshın Shymkent qalasynyń ákimi men densaýlyq saqtaý basqarmasynyń basshylyǵyna juqpaly aýrýlar aýrýhanasynyń bas dárigeriniń qyzmetine sáıkestigin, laýazymyna laıyqtyǵyn qarastyrý týraly usynys beretinin aıtqan bolatyn. Eske salaıyq, 28 naýryzda 10 aılyq bóbekke qaınaǵan sýmen klızma jasaǵan medbıke tikishegi men jambasyn kúıdirgen edi. Sábı qazir Almatydaǵy arnaıy ortalyqta em alyp jatyr. Dárigerler onyń qazirgi jaǵdaıy ortasha turaqty dep otyr.​ ​

Pikirler