جەتىسۋ وبلىسى، اقسۋ اۋدانىندا بالاباقشا بۋحگالتەرى وزىنە جوعارى جالاقىنى زاڭسىز تولەۋ ارقىلى 40 ملن تەڭگەگە جۋىق بيۋدجەت قاراجاتىن ۇرلادى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى.
باس پروكۋراتۋرانىڭ مالىمەتىنشە، جىمقىرۋ فاكتىسى شتات كەستەسى مەن بانكتىك شوتتاردى سالىستىرۋ كەزىندە انىقتالعان. وندا ءتيىستى جالاقى مەن ناقتى تولەنگەن قاراجات اراسىندا ايىرماشىلىق بارى بايقالعان.
وسى فاكتى بويىنشا پروكۋراتۋرا قىلمىستىق كودەكستىڭ 189-بابى 4-بولىگى 2-تارماعى بويىنشا سوتقا دەيىنگى تەرگەپ-تەكسەرۋدى باستادى (اسا ءىرى مولشەردە ۇرلاۋ). ءىستى جەتىسۋ وبلىسى پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى تەكسەرىپ جاتىر. وسى باپتىڭ سانكتسياسى بەلگىلى ءبىر لاۋازىمداردى اتقارۋعا نەمەسە بەلگىلى ءبىر قىزمەتپەن اينالىسۋعا تىيىم سالا وتىرىپ، 12 جىلعا دەيىن باس بوستاندىعىنان ايىرۋدى قاراستىرادى.
"ادىرنا" ۇلتتىق پورتالى
