FlyArystan اۋە كومپانياسى قاراجاتتىڭ ۇرلانعانىن راستاپ، كىنالىلەردى انىقتاۋ ءۇشىن قۇقىق قورعاۋ ورگاندارىنا جۇگىنگەنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل اقپارات Air Astana اۋە كومپانياسى Telegram-ارناسىندا جاريالادى.
"FlyArystan اۋە كومپانياسىنىڭ باسشىلىعى قاراجاتتىڭ ۇرلانۋ فاكتىلەرىن انىقتاپ، تاۋەلسىز تەرگەۋ جۇرگىزۋ ءۇشىن اۋديتورلىق كومپانياعا جۇگىندى. تەرگەۋ ناتيجەسىندە ۇرلىق فاكتىلەرى راستالىپ، كىنالىلەردى انىقتاپ، ماتەريالدىق شىعىندى وتەۋ ءۇشىن اۋە كومپانياسى قۇقىق قورعاۋ ورگاندارىنا جۇگىندى", – دەلىنگەن حابارلامادا.
كومپانيا بۇل سومانى 9 ايعا ارنالعان قارجىلىق ەسەپتىلىكتە تولىق ەسەپكە العانىن مالىمدەدى. تەرگەۋ مۇددەسى ءۇشىن قوسىمشا مالىمەتتەر جاريالانبايتىنىن ءباسپاسوز قىزمەتى اتاپ ءوتتى.
سونىمەن قاتار، جۋرناليست ميحايل كوزاچكوۆ ءوزىنىڭ Telegram-ارناسىندا اۋديت جۇرگىزگەن مامانداردىڭ دەرەكتەرىنە سۇيەنە وتىرىپ، كەيبىر تۇلعالاردىڭ اۆيابيلەتتەردى برونداۋ بويىنشا اقپاراتتىق جۇيەگە وزگەرىستەر ەنگىزۋ ارقىلى سەنىپ تاپسىرىلعان مۇلىكتى جىمقىرعانىن جازعان بولاتىن.
"سوتقا دەيىنگى تەرگەۋ قىلمىستىق كودەكستىڭ 189-بابىنىڭ 4-بولىگى بويىنشا تىركەلگەن – اسا ءىرى كولەمدە ۇرلىق جاساۋ. زالال سوماسى رەتىندە 1 ميلليارد 54 ميلليون 710 مىڭ تەڭگە كورسەتىلگەن", – دەلىنگەن كوزاچكوۆتىڭ جاريالانىمىندا.
