1 şılde künı “Adyrna” ūlttyq portalynyŋ ūjymy jurnalister künı men Ūlttyq dombyra künın tabiǧat aiasynda atap öttı.
Taŋ ata bastalǧan kezdesu Ile Alatau Ūlttyq parkındegı Aiusai sarqyramasynda öttı.
“Adyrna” ūjymy Aiusai sarqyramalaryna şyǧyp, sol jerdıŋ äsem tabiǧaty, möldır suymen tanysyp qaitty.
Tabiǧat tösındegı ūjymdyq demalys barysynda ruhani şer tarqatyldy. «Qazaqtyŋ Djon Lennony», mädeniettanuşy, jurnalist Berdaly Ospan qazaq küilerınıŋ tarihyna toqtalyp ötıp, qyzyqty äŋgımelerınen şer tarqatyp, saualdar qoidy. Aq dastarhan basynda qūttyqtaularǧa da kezek berılıp, diplomdar men syilyqtar tabystaldy.
“Adyrna” ūlttyq portaly ūjymynda qajyrly eŋbek sıŋırıp, qazaq baspasözın damytuǧa qosqan ülesı üşın «Ruhaniiat janaşyry» ataǧymen Berdaly Ospan, «Aqparat arystany» ataǧymen Serık Joldasbai, «Şabyt qyrany» ataǧymen Dastan Qastai, «Qarjy ministrı» ataǧymen Gülsım Tölegenova, «Daŋqty dizainer» ataǧymen Baǧjan Sapirov, «Tehnikter töresı» ataǧymen Farhad Nälıbaev, «Reiting şeberı»ataǧymen Dina Litpin, «Jylnama şeberı» ataǧymen Aijan Sylanova men Laura Tūrsynjan, «Aqparattyŋ aq myltyǧy» ataǧymen Dana Nūrmūhanbet, «Saraptama saŋlaǧy» ataǧymen Diana Asan, «Videoger-maidanger» ataǧymen Arman Qūdaibergen men Maqsat Qūsaiynov marapattaldy.
Odan bölek, sporttyq saiystar ötkızıldı. Üş topqa bölıngen ūjym ūlttyq oiyndar oinady. Saiysta synǧa tüskenderdıŋ barlyǧyna ūlttyq naqyşta beinelengen syilyqtar tabystaldy.
Aita keteiık, 5 jyl būryn tura sol jerde 30 mausym künı “Adyrna” ūjymy Ūlttyq dombyra künın atap ötken edı. Ūlttyq oiyn türderınen, än men küiden jarys ūiymdastyryp, “Adyrna” alǧaşqy bolyp elımızde osy merekenı ötkızgen bolatyn.
