قازاقستاندا مۇمكىندىگى شەكتەۋلى 750 مىڭعا جۋىق ادام ءومىر سۇرەدى، ولار ءبىلىم بەرۋگە، دەنساۋلىق ساقتاۋعا، جۇمىسقا ورنالاسۋعا جانە سپورت پەن شىعارماشىلىق دارىنىن دامىتۋعا كەلگەندە كۇن سايىن كوپتەگەن قيىندىق پەن كەدەرگىلەرگە تاپ بولادى.
2015 جىلى وسى توپتاعى ادامداردىڭ قۇقىقتارى جونىندەگى كونۆەنتسيانى راتيفيكاتسيالادى، ول مۇگەدەك ادامداردىڭ قوعامداعى جاعدايلارعا باسقالارمەن بەلسەندى، تەڭ جانە كەمسىتۋسىز قاتىسۋى ءۇشىن جاعداي جاساۋعا باعىتتالعان. بىرىككەن ۇلتتار ۇيىمىنىڭ دامۋ باعدارلاماسىنىڭ قولداۋى ارقىلى مۇگەدەك جانداردىڭ قۇقىقتارىن رەتتەۋ، قامتاماسىز ەتۋ مەن ءومىر ءسۇرۋدىڭ ساپاسىن جاقسارتۋ ءۇشىن ۇلتتىق جوسپار بويىنشا شارالار دايىنداپ، ازىرلەۋ جانە ىسكە اسىرۋ ماسەلەلەرى توڭىرەگىندە جۇمىس جۇرگىزىلدى.
سونىمەن قاتار الەۋمەتتىك قىزمەت پورتالدارىنىڭ ءتۇر-ءتۇرى جانە باسقا دا باستامالار ازىرلەنىپ، ىسكە اسىرىلىپ جاتىر. ماسەلەن، قازاقستاندا 2020 جىلداردان باستاپ وڭالتۋ ورتالىقتارى جۇمىس ىستەيدى، ولاردى جاقسى قىزمەتكە ورنالاستىرۋعا جانە ءارى قاراي قولداۋ كورسەتەدى.
بىردەي مۇمكىندىكتەر مەن ينكليۋزيۆتىلىكتى قامتاماسىز ەتەتىن ماڭىزدى قادامداردىڭ بىرەگەيى - ولاردىڭ قۇقىقتارىن قامتاماسىز ەتۋ مەن ءومىر ءسۇرۋ جاعدايىن جاقسارتۋعا ارنالعان ۇلتتىق جوسپار. مۇمكىندىگى شەكتەلگەن ادامداردىڭ قۇقىقتارى تۋرالى كونۆەنتسياعا فاكۋلتاتيۆتىك حاتتامانى راتيفيكاتسيالاۋ ولاردىڭ قۇقىعىن كوتەرمەلەۋ ىسىندەگى كەلەسى ماڭىزدى قادام بولىپ تابىلادى.
جاھاندىق دەڭگەيدە بۇل ماڭىزدى حاتتامانى راتيفيكاتسيالاۋ وسى توپ وكىلدەرىنىڭ قۇقىعى جوعارىدا ايتىلعان كونۆەنتسيانى راتيفيكاتسيالادى. بۇل مۇگەدەكتەردىڭ قۇقىقتارىن قورعاۋدىڭ ماڭىزدىلىعى حالىقارالىق دەڭگەيدە تانىلاتىندىعىن جانە ەلدەر ءار ادامنىڭ مۇمكىندىكتەرى تەڭ ينكليۋزيۆتى قوعام قۇرۋعا دايىن ەكەنىن دالەلدەيدى.
فاكۋلتاتيۆتىك حاتتامانى راتيفيكاتسيالاۋ قاتىسۋشى مەملەكەتتەرگە نەگىزگى كونۆەنتسيادا كوزدەلگەن قۇقىقتاردى قورعاۋ جانە كوتەرمەلەۋ جونىندە قوسىمشا شارالار قابىلداۋعا مۇمكىندىك بەرەدى.
"حاتتاماعا قول قويۋ جانە راتيفيكاتسيالاۋ قازاقستاننىڭ حالىقارالىق ستاندارتتارعا سايكەس مۇگەدەك ادامداردىڭ قۇقىقتارىن ساقتاۋعا، قۇرمەتتەۋگە تولىقتاي كەپىلدىك بەرەتىنىن بىلدىرەدى. بۇل قادام مۇگەدەكتەرگە ءبىلىم، جۇمىسپەن قامتۋ، دەنساۋلىق، كولىك، تۇرعىن ءۇي جانە باسقا بارلىق سالالارداعى قىزمەتتەر مەن اقپاراتتاردىڭ قولجەتىمدىلىگىن جاقسارتۋعا اسەر ەتەدى. قازاقستان ءوز ساياساتى مەن زاڭناماسىنمەن حاتتاماعا سايكەس بەيىمدەۋگە مىندەتتەلەدى، بۇل ءبىزدىڭ ەلدە ولاردىڭ قۇقىقتارىن قورعاۋدى جاقسارتۋعا جانە ينتەگراتسيالانۋى ءۇشىن جاعداي جاساۋعا بارىنشا ىقپال ەتەتىن بولادى. سونىمەن قاتار، بۇل ولاردى قولداۋعا ارنالعان جاڭا شارالار مەن تەتىكتەردى دايىنداۋعا ىقپال ەتەدى", - دەيدى قر پارلامەنت سەناتورى ءلاززات قالتاەۆا.
حاتتامانى راتيفيكاتسيالاۋ قازاقستانعا مۇگەدەكتىگى بار ادامداردىڭ قۇقىقتارىن قورعاۋ مەن حالىقارالىق ستاندارتتارعا ساي مىندەتتەلگەن ساۋاتتى ءارى مادەنيەتتى ەل رەتىندە حالىقارالىق دەڭگەيدە تانىلۋعا كومەكتەسەدى. بۇل شەت ەلدەرمەن ىنتىماقتاستىققا، اتالعان توپ وكىلدەرىنىڭ قۇقىعىن ينكليۋزيالاۋ جانە قورعاۋ سالاسىنداعى ۇزدىك تاجىريبەلەرمەن الماسۋعا ىقپال ەتۋى ءتيىس. مۇنداي ىنتىماقتاستىق ەلدەگى ءبىلىم ساپاسىنا، تەحنولوگيالىق تۇرعىدان دامۋعا، الەۋمەتتىك جوبا مەن باعدارلامالارعا ينۆەستيتسيا تارتۋ تۇرعىسىنان زور پايدا اكەلۋى مۇمكىن.
تاعى دا ايتا كەتەرلىك تاعى ءبىر جاڭالىق، قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى جانە بۇۇدب باستاماسىمەن 2021 جىلدىڭ سوڭىندا اكىمدەردىڭ كەڭەسشىلەرى (جەرگىلىكتى بيلىك ورگاندارىنىڭ باسشىلارى) ينستيتۋتىن جانە مۇگەدەكتىك ماسەلەلەرى جونىندەگى مينيسترلەر جوباسىن ىسكە قوسىلعانىن اتاپ وتكەن ءجون. قازىرگى ۋاقىتتا كەڭەسشىلەردىڭ ىشىندە 13 وبلىس اكىمدەرى، تورتەۋى ينيستر، "اتامەكەن" ۇلتتىق كاسىپكەرلەر پالاتاسىنىڭ باسشىسى جانە كەيبىر قالالار مەن اۋدانداردىڭ اكىمدەرى بولىپ تابىلادى. 2023 جىلى قازاقستانداعى سايلاۋ تاريحىندا ەڭ العاش رەت 70-تەن استام مۇگەدەك ادام ءماسليحاتتار مەن پارلامەنتتەردىڭ (جەرگىلىكتى وكىلدى ورگانداردىڭ) دەپۋتاتتارى بولىپ سايلاندى.
