پاۆلوداردا جول اپاتىنان جاياۋ جۇرگىنشى قازا تاپتى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«29 ماۋسىم كۇنى ساعات 22:27 شاماسىندا قالا پوليتسياسىنا ءماشھۇر ءجۇسىپ – م.گوركي كوشەلەرىنىڭ قيىلىسىندا ترامۆاي ۆاگونىنىڭ جۇرگىزۋشىسى 58 جاستاعى جاياۋ جۇرگىنشىنى قاعىپ كەتكەنى تۋرالى حابارلاما ءتۇستى.
جول اپاتى سالدارىنان جاياۋ جۇرگىنشى العان جاراقاتتارىنان وقيعا ورنىندا قازا بولدى.
وقيعادان كەيىن جۇرگىزۋشى قوزعالىسىن جالعاستىرىپ، اپات ورنىنان كەتىپ قالعان»،—دەلىنگەن حابارلامادا.
وسى فاكتى بويىنشا پوليتسيا قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەپ-تەكسەرۋدى باستادى.
