پاۆلودار وبلىسىنىڭ سوتى بالالارىن بەسىنشى قاباتتىڭ تەرەزەسىنەن لاقتىرىپ جىبەرگەن 34 جاستاعى ايەلدى ەسى دۇرىس ەمەس دەپ تانىپ، ونى قىلمىستىق جاۋاپكەرشىلىكتەن بوساتتى. سوت شەشىمىمەن ول ارنايى پسيحياتريالىق ستاتسيوناردا ماجبۇرلەپ ەمدەۋگە جىبەرىلدى، دەپ حابارلايدى "ادىرنا".
قايعىلى وقيعا 30 شىلدەدە بولعان. پاۆلودارداعى كوپقاباتتى ءۇيدىڭ تۇرعىنى ءوزىنىڭ ەكى بالاسىن – 7 جاستاعى جانە 1,5 جاستاعى بالالارىن تەرەزەدەن لاقتىرىپ، ارتىنشا ءوزى دە سەكىرگەن. ۇشەۋى دە كىرەبەرىس قاقپاسىنا قۇلاپ، اۋىر جاعدايدا اۋرۋحاناعا جەتكىزىلدى. ءبىر جارىم جاستاعى ءسابي بىرنەشە كۇننەن كەيىن قايتىس بولدى. 7 جاستاعى بالا 13 تامىزدا اۋرۋحانادان شىعارىلدى، قازىرگى جاعدايى قاناعاتتانارلىق، بىراق دارىگەرلەر وعان ءبىر اي قاتاڭ توسەك رەجيمىن تاعايىندادى.
قازان ايىندا پوليتسيا ايەلدىڭ ءماجبۇرلى شارا اياسىندا پاۆلودار وبلىستىق پسيحيكالىق دەنساۋلىق ورتالىعىنا ورنالاستىرىلعانىن حابارلاعان بولاتىن.
