پاۆلوداردا پوليتسەيلەر دابىل قۇرىلعىلارىن قوسىپ، بالانى اۋرۋحاناعا جەتكىزۋگە كومەكتەستى. دارىگەرلەر ءسابيدى بىردەن جانساقتاۋ بولىمىنە جاتقىزدى دەپ حابارلايدى «ادىرنا» ۇلتتىق پورتالى ىشكى ىستەر مينيسترلىگىنە سىلتەمە جاساپ.
جەلتوقساننىڭ 29-ى كۇنى كەشكە قامزين كوشەسىندە پاترۋلدىك پوليتسياعا ەر ادام كولىكتە 2 جاسار بالانىڭ ۋلانىپ، كوگەرە باستاعانىن جەتكىزگەن. دابىل قۇرىلعىلارىن ىسكە قوسقان پوليتسەيلەر جەدەل تۇردە ءسابيدى وبلىستىق بالالار اۋرۋحاناسىنا اپارعان. دارىگەردىڭ قاراۋىنان وتكەن بالا جانساقتاۋ بولىمىنە جاتقىزىلدى.
«ءبىز ءۇشىن باستى مىندەت بالانىڭ ءومىرىن ساقتاپ قالۋ بولدى. سەبەبى ول كەزدە قالا كوشەلەرى لىق تولى بولعاندىقتان، ءار سەكۋند ماڭىزدى ەدى»، - دەيدى پاۆلودار قالالىق پوليتسيا باسقارما قىزمەتىنىڭ اعا ينسپەكتورى قازبەك سىزدىقوۆ.
ەر ادام كورسەتكەن كومەگى ءۇشىن پوليتسياعا العىسىن ءبىلدىردى.
ەسكە سالا كەتەيىك، جاقىندا شىمكەنتتە دە ءدال وسىنداي جاعداي ورىن بولاتىن - ەر ادام اۆتوبۋس ايالداماسىندا ەپيلەپسيا ۇستاماسىمەن اۋىرىپ، وعان ەكى پوليتسيا قىزمەتكەرى العاشقى مەديتسينالىق كومەك كورسەتكەن.
«ادىرنا» ۇلتتىق پورتالى
