مۇگەدەك جانداردىڭ جولداعى ەرەجەلەرى مەن ەرەكشە قۇقىقتارى ارنايى زاڭنامادا كورسەتىلگەن. "اۆتوموبيل كولىگى تۋرالى" 2003 جىلعى 4 شىلدەدەگى قازاقستان رەسپۋبليكاسىنىڭ زاڭى 13-بابىنىڭ 23 تارماقشاسىنا جانە "قازاقستان رەسپۋبليكاسىندا مۇگەدەكتىگى بار ادامداردى الەۋمەتتىك قورعاۋ تۋرالى" 2005 جىلعى 13 ساۋىردەگى قازاقستان رەسپۋبليكاسىنىڭ زاڭىنا سايكەس مۇگەدەكتەردى اۆتوكولىك قۇرالدارىمەن تاسىمالداۋ بويىنشا قىزمەت كورسەتۋ ءتارتىبى بەكىتىلدى.
زاڭناما قاعيدالارى اۆتوموبيل كولىگىمەن تاسىمالداۋ بويىنشا قىزمەتتەر كورسەتۋ كەزىندە مۇگەدەكتەر ءۇشىن قولجەتىمدى كولىكتىك ورتانى قامتاماسىز ەتۋدىڭ جالپى ءتارتىبى مەن شارتتارىن انىقتايدى. قاعيدالار قازاقستان رەسپۋبليكاسىنىڭ بۇكiل اۋماعىندا قولدانىلادى جانە بارلىق جەكە جانە زاڭدى تۇلعالار ءۇشiن مەنشiك نىساندارىنا قاراماستان مiندەتتi بولىپ تابىلادى.
اۆتوكولىك قۇرالدارىمەن مۇگەدەكتەردى تاسىمالداۋ بويىنشا ارنايى قىزمەت كورسەتۋ ءتارتىبى بار:
مۇگەدەكتەردى تۇراقتى قالاارالىق وبلىسارالىق مارشرۋتتاردا تاسىمالداۋ كەزىندە جانە حالىقارالىق اۆتوموبيل تاسىمالدارىندا "جولاۋشىلار تاسىمالدارى بويىنشا اۆتوكولىك قىزمەتتەرى" 1040-2001 قازاقستان رەسپۋبليكاسى مەملەكەتتىك ستاندارتىنىڭ تالاپتارىنا سايكەس كەلەتىن جولاۋشىلار سالونىنداعى ءوتۋدىڭ ەنى 44 سانتيمەتردەن كەم ەمەس قالاارالىق اۆتوبۋستار (II كلاسس) نەمەسە الىسقا جۇرەتىن اۆتوبۋستار (III كلاسس) پايدالانىلادى.
- اۆتوبۋستاردا مۇگەدەكتەرگە ارنالعان ورىندار جانە مۇگەدەكتەردىڭ قوزعالىسىنا ارنالعان كرەسلو-اربالار اۆتوبۋستىڭ جاناما قابىرعاسىنىڭ ەنى بويىندا ءبىر قاتاردا ورنالاستىرادى جانە ولار اۆتوبۋستىڭ ءجۇرىسى بويىنشا العا قارايدى.
- كرەسلو-اربانى ورنالاسۋ ورىندارىنداعى جولاۋشىلار سالوندارىنىڭ ەدەنىندە جانە ولارعا قولجەتىمدىلىك ايماقتارىندا پاندۋستار جانە باسپالداقتار بولماۋى ءتيىس.
- II جانە III كلاسس اۆتوبۋستار ورىندىقتارىنىڭ ارقاسى جاستىعىمەن بولادى، بۇل رەتتە ورىندىقتاردىڭ ارقاسى ەڭكەيۋ بۇرىشى بويىنشا ورنالاسۋدى رەتتەۋى بولادى.
- مۇگەدەكتەردى تىكەلەي كرەسلو-اربالاردا تاسىمالداعان جاعدايدا اۆتوبۋستا قوزعالىس كەزىندە كرەسلو-اربانى بەكىتەتىن جابدىقتار مەن قۇرالدار كوزدەلەدى.
- جۇرگىزۋشىنىڭ جۇمىس ورنى مۇگەدەكتەردىڭ ورنالاسۋ ورىندارىنان بولسىن، كرەسلو-اربالاردى ورنالاستىرۋ ورنىنان بولسىن ىسكە قوسىلاتىن دىبىس جانە جارىق سيگنالدارىمەن جابدىقتالادى.
- II جانە III كلاسس اۆتوبۋستارى جولاۋشىلار سالونىندا مۇگەدەكتىڭ قوزعالۋى ءۇشىن ارنالعان ارنايى كولىكتىك اربامەن جابدىقتالادى.
- II جانە III كلاسس اۆتوبۋستارىندا كرەسلو-اربانى تاسىمالداۋ ءۇشىن پايدالانىلاتىن باگاج ءبولىمى كوزدەلەدى. بولىمدە جيناستىرعان كۇيدە كرەسلو-اربانى بەكىتۋ ءۇشىن قۇرالدار كوزدەلەدى.
- كولىك قۇرالى ايالدامالار، كەلۋ جانە كەتۋ ۋاقىتتارى جونىندە حابارلايتىن دىبىس جانە كورەتىن اقپاراتتىق تابلومەن جابدىقتالادى.
- قالالىق مارشرۋتتىق اۆتوبۋستاردىڭ جولاۋشىلار سالوندارىندا كرەسلو-ارباداعى مۇگەدەكتىڭ اۆتوبۋسقا كىرۋى ءۇشىن ارنالعان ەسىككە قاراما-قارسى بوس الاڭ (بۇرىلۋ شەڭبەرى) كوزدەلەدى.
- كرەسلو-اربانى ورنالاستىرۋ ءۇشىن ارنالعان ەدەن ۋچاسكەسىندە ءبۇيىر قابىرعانىڭ ەنى بويىندا كولدەنەڭ تۇتقا ورناتىلادى.
- اۆتوبۋستاردا كەمىندە 2 جولاۋشى ەسىگى كوزدەلەدى. ونىڭ بىرەۋى كرەسلو-ارباداعى مۇگەدەككە اۆتوبۋسقا كىرۋگە جانە شىعۋعا مۇمكىندىك بەرەتىن جابدىقپەن جابدىقتالادى. شاعىن اۆتوبۋستا جابدىقپەن جابدىقتالعان جانە كرەسلو-ارباداعى مۇگەدەكتەردىڭ قولجەتىمدىلىگى ءۇشىن دە، مۇگەدەكتەرمەن بىرگە جۇرەتىن ادامدار ءۇشىن دە پايدالانىلاتىن ءبىر ەسىكتىڭ بولۋىنا جول بەرىلەدى.
- كرەسلو-ارباداعى مۇگەدەكتەردىڭ اۆتوبۋسقا قولجەتىمدىلىگى ءۇشىن پايدالانىلاتىن ەسىكتىڭ ءتيىستى بەلگىلەرى (جازۋلار نەمەسە پيكتوگراممالار) بولادى.
- اۆتوبۋستار مۇگەدەكتەرگە اۆتوبۋسقا كولجەتىمدىلىگىن قامتاماسىز ەتەتىن رامپالارمەن نەمەسە كرەسلو-ارباداعى مۇگەدەكتەردى اۆتوبۋسقا (اۆتوبۋستان) كوتەرۋگە (تۇسىرۋگە) ارنالعان جابدىقتارمەن جابدىقتالادى.
مۇگەدەك جاندارعا تاكسي قىزمەتىن ۇيىمداستىرۋ بويىنشا:
"اۆتوموبيل كولىگى تۋرالى" 2003 جىلعى 4 شىلدەدەگى قازاقستان رەسپۋبليكاسى زاڭىنىڭ 26-بابىنا سايكەس جولاۋشىلار مەن باگاجدى تاكسيمەن تاسىمالداۋدى ۇيىمداستىرۋ كەزىندە جەكە كاسىپكەر نەمەسە زاڭدى تۇلعانىڭ وتىز جانە ودان دا كوپ تاكسيى بولعان كەزدە ءار وتىز تاكسيگە ارنايى قوزعالىس قۇرالدارىن پايدالاناتىن مۇگەدەكتەردى تاسىمالداۋ ءۇشىن بەيىمدەلگەن كەمىندە ءبىر تاكسيى بولادى.
مۇگەدەكتەردى تاسىمالداۋ ءۇشىن، سونىڭ ىشىندە كرەسلو-اربادا وتىراتىن مۇگەدەكتەردى تاسىمالداۋعا ارنايى قايتا جابدىقتالعان "تاكسي تاسىمالدارى بويىنشا اۆتوكولىك قىزمەتتەرى" 2272-2012 قازاقستان رەسپۋبليكاسى مەملەكەتتىك ستاندارتىنىڭ تالاپتارىنا سايكەس كەلەتىن جەڭىل اۆتوكولىك قۇرالدارى پايدالانىلادى.
تاكسيدىڭ الدىڭعى جانە ارتقى جاقتارىندا ءتورتبۇرىش تۇرىندە "مۇگەدەك" ايرىقشا بەلگىلەر جانە قازاقستان رەسپۋبليكاسى ۇكىمەتىنىڭ 2014 جىلعى 13 قاراشاداعى № 1196 قاۋلىسىمەن بەكىتىلگەن جول ءجۇرىسى قاعيدالارىنا 1-قوسىمشاعا سايكەس جول بەلگىلەرىنىڭ 7.17-تارماعىندا كورسەتىلگەن جول بەلگىسى نىشانىنىڭ بەينەسى بەلگىلەنەدى.
مۇگەدەك ادامدار ءۇشىن "ينۆاتاكسي" قىزمەتى قامتىلعان
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسى بويىنشا اۆتوموبيل كولىگىمەن مۇگەدەكتەردى تاسىمالداۋ جونىندە قىزمەتتەر كورسەتۋ قاعيدالارىنا (قر كولىك جانە كوممۋنيكاتسيا ءمينيسترىنىڭ م. ا. 01.11.2013 ج. № 859 بۇيرىعى) (بۇدان ءارى – قاعيدالار) جەرگىلىكتى اتقارۋشى ورگانداردىڭ ينۆاتاكسي قىزمەتتەرىن كورسەتۋىن رەتتەيتىن ءبولىم ەنگىزىلدى. بۇل ەرەجەلەر قازاقستاننىڭ بارلىق اۋماعىندا قولدانىلادى جانە مەنشىك نىسانىنا قاراماستان بارلىق جەكە جانە زاڭدى تۇلعالار ءۇشىن مىندەتتى بولىپ تابىلادى.
ينۆاتاكسي قىزمەتى ءجۇرىپ-تۇرۋى قيىن ءبىرىنشى جانە ەكىنشى توپتاعى مۇگەدەكتىگى بار، كرەسلو-اربامەن جانە جەكە كومەكشىنىڭ قىزمەتىمەن قامتاماسىز ەتۋگە كورسەتكىشتەرى بار ادامداردى قولداۋ جونىندەگى قوسىمشا شارا بولىپ تابىلادى.
قازىرگى ۋاقىتتا ەلدىڭ بارلىق وڭىرلەرىندە جەرگىلىكتى اتقارۋشى ورگاندار ۇكىمەتتىك ەمەس ۇيىمدار اراسىندا مەملەكەتتىك الەۋمەتتىك تاپسىرىستى ورنالاستىرۋ ارقىلى ينۆاتاكسي قىزمەتتەرىنىڭ جۇمىسىن ۇيىمداستىرىپ جاتىر.
مۇگەدەكتىگى بار ادامدار جۇمىس ورنىنا دەيىن (جانە كەرى قاراي); وقۋ ورىندارىنا; جەرگىلىكتى وكىلدى جانە اتقارۋشى ورگاندارعا; سوتقا، پروكۋراتۋراعا، نوتارياتتىق كەڭسەلەرگە; مەديتسينالىق مەكەمەلەرگە (جەدەل (شۇعىل) مەديتسينالىق كومەك كورسەتۋ جاعدايلارىن قوسپاعاندا); اۋەجايلارعا، تەمىرجول ۆوكزالدارىنا، اۆتوۆوكزالدارعا، تەڭىز جانە وزەن پورتتارىنا; ارناۋلى الەۋمەتتىك قىزمەتتەر كورسەتەتىن ۇيىمدارعا جانە الەۋمەتتىك سالانىڭ باسقا دا وبەكتىلەرىنە تەگىن جەتكىزىلەدى.
"ادىرنا" ۇلتتىق پورتالى
