قازاقستان مۇسىلماندارى ءدىني باسقارماسى قاجىلىققا اتتانعان ءبىر توپ قازاقستاندىقتى الداپ، جالعان ۆيزا بەرگەن «ZamZam Qazaqstan» قاجىلىق كومپانياسىنا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«قازاقستان مۇسىلماندارى ءدىني باسقارماسى بۇعان دەيىن «Zam-Zam Qazaqstan» (زاڭدى اتاۋى Zam Zam store) كومپانياسىنىڭ قاجىلارعا قىزمەت كورسەتۋگە قاتىستى ءتيىستى ليتسەنزياسى، ءمۇفتيات جاريالاعان وسى جىلى رەسمي قاجىلىق ورىندارىن العان تۋروپەراتورلار تىزىمىندە جوق ەكەنىن، سوندىقتان اتالعان فيرمانىڭ قىزمەتىنە مۇلدە جۇگىنبەۋ تۋرالى بىرنەشە رەت دابىل قاعىپ، مالىمدەمە جاريالادى. سونىمەن قاتار ءمۇفتيات قاجىلاردى وسىعان دەيىن الداپ، دالادا قالدىرعان اتالمىش «Zam-Zam Qazaqstan» كومپانياسىنىڭ زاڭسىز ارەكەتتەرى تۋرالى قۇقىق قورعاۋ ورگاندارىنا شاعىم ءتۇسىردى»،—دەدى قمدب-نىڭ ءباسپاسوز ءبولىمى «ادىرنا» رەداكتسياسىنا.ءمۇفتيات كومپانيا جەتەكشىسىن جاۋاپقا تارتۋ كەرەكتىگىن اتاپ ءوتتى.
«قازاقستان ازاماتتارىن زاڭسىز جولمەن قاجىلىققا اكەلگەن اتالمىش كومپانيا جەتەكشىسى يليەۆ دانيار زاڭ الدىندا جاۋاپ بەرۋ ءتيىس دەپ سانايمىز. قولدان جاسالعان قاجىلىق ۆيزالارىن پايدالانعان اتالعان كومپانيا وكىلدەرى شاريعات پەن زاڭعا قايشى ارەكەتتەرىنەن ءالى كۇنگە دەيىن تىيىلماي كەلەدى. ولار شاريعات پەن زاڭدى بەلدەن باسۋمەن قاتار ء"مۇفتيات قاجىلىق كۆوتاسىن ساتادى، پارا الادى" دەپ جالا جابۋىن دوعارماي، ەندى قمدب «جالعان قاجىلىق كۆوتالارىن» جاسادى دەپ جالا جابۋدا. ءوز كەزەگىندە، جالعان قۇجاتتاردى جاساپ، زاڭسىز جولمەن قاجىلىققا ازاماتتارىمىزدى اپارعان اتالمىش تۋركومپانيا ديرەكتورى مەن باسقا دا جاۋاپتى وكىلدەرىنە قۇقىقتىق جاۋاپكەرشىلىككە تارتۋ بويىنشا نەگە ءتيىستى شارا قولدانبايدى دەگەن سۇراقتار مەن شىعىمدار ءجابىر كورگەن قاجىلاردان جانە ولاردىڭ تۋىستارىنان قمدب-عا كەلىپ تۇسۋدە. وسىعان وراي قازاقستان رەسپۋبليكاسىنىڭ قۇقىق قورعاۋ ورگاندارىنىڭ وسى ماسەلەگە نازار اۋدارىپ زاڭ بۇزۋشىلاردى قۇقىقتىق جاۋاپكەرشىلىككە تارتۋ بويىنشا ءتيىستى زاڭدى شارالار قولدانادى دەپ كۇتۋدەمىز»،—دەپ تولىقتىردى باسقارما.بۇدان بولەك قازاقستان مۇسىلماندارى ءدىني باسقارماسى قاجىلىققا بارعىسى كەلەتىندەرگە ەسكەرتۋ جاسادى.
«قاجىلىق كونكۋرسىنان وتكەن، ياعني قاجىلىق ساپارىن ۇيىمداستىرۋعا قابىلەتتى دەپ تانىلعان، ءمۇفتيات جاريالاعان تىزىمگە ساي تۋروپەراتورلار قىزمەتىنە جۇگىنۋ قاجەتتىگىن تاعى دا قاپەرگە سالامىز»،—دەدى قمدب.ەسكە سالايىق، بۇعان دەيىن قاجىلىققا اتتانىپ، الدانىپ قالعان قازاقستاندىقتار رەداكتسيامىزعا حابارلاسىپ، شاعىم تۇسىرگەن ەدى. ولار ساۋد ارابياسىنىڭ پوليتسەيلەرى مەككە قالاسىنا اۆتوبۋسپەن اتتانعانداردىڭ قۇجاتتارىن تەكسەرۋ بارىسىندا زاڭسىز جاسالعان ۆيزانى انىقتاعانىن مالىمدەدى. ايتۋىلارىنشا، قازىر 120 ادام قاماۋدا وتىر. «ادىرنا» ءتىلشىسى اتالعان قاجىلىق كومپانيانىڭ باسشىسىنا حابارلاستى. ول جابىرلەنۋشى تاراپتىڭ ايتقاندارىنىڭ بۇرمالانعانىن جەتكىزدى.
ۇقساس جاڭالىقتار
