Almatyda Mudarabah Capital qarjy pıramıdasyn uıymdastyrýshylarǵa sot úkimi shyqty. Sot qaýlysymen Meıirjan Tórebaev pen Meıirhan Shernııazov bes jylǵa bas bostandyǵynan aıyryldy, dep habarlaıdy “Adyrna” ulttyq portaly.
Tórebaev pen Shernııazovtan basqa sottalýshylardyń barlyǵy derlik Qylmystyq kodekstiń eki baby boıynsha kináli dep tanyldy. Atap aıtqanda 217-bap - «qarjy pıramıdasyn qurý jáne basqarý», sosyn 262-bap - «uıymdasqan top, qylmystyq uıym qurý jáne basqarý».
Vaınerler tek 217-bap boıynsha kináli dep tanyldy. Sot úkimimen kúdiktilerge bas bostandyǵynan aıyrýdyń túrli merzimderi taǵaıyndaldy.
Meıirjan Tórebaevqa eń tómengi qaýipsizdik kolonııasynda bes jyl bas bostandyǵynan aıyrý jazasy taǵaıyndalsyn. Meıirhan Shernııazov eń tómengi qaýipsizdik kolonııasynda bes jyl jazasyn ótesin, – delingen sot úkiminde.
Aıta keteıik, byltyr 12 jeltoqsanda qarjy pıramıdasyn qurdy dep aıyptalǵan tanymal vaınerlerdiń isi sotqa joldanǵan bolatyn.
Qadaǵalaý organynyń málimetinshe, qylmystyq istiń negizinde 41 jyljymaıtyn múlikke, 3 avtokólikke, 9 bank shotyna jáne 16 kompanııanyń jarǵylyq kapıtalyndaǵy ártúrli úlesterge tyıym salynǵan
