Prezıdenttikke úmitker bolǵan Kemal Kylychdaroǵlý 110 jylǵa deıin bas bostandyǵynan aıyrylýy múmkin, dep habarlaıdy “Adyrna” tilshisi Cumhuriyet -ke silteme jasap.
Basylymnyń sholýshysy Barysh Terkoǵlýdyń málimetine saı, depýtattyq mandatynan aıyrylǵan Kylychdaroǵlý taıaý kúnderi tutqyndalýy múmkin. Onyń isi Ankara prokýratýrasyna jiberilip qoıǵan.
"Kylychdaroǵlý 110 jylǵa deıin túrmege qamalýy múmkin. Oǵan saıası qyzmetterge tyıym salynýy múmkin", - delingen habarlamada.
Túrkııanyń oppozıııalyq Respýblıkalyq halyq partııasynyń jetekshisi jáne prezıdenttikke úmitker bolǵan Kylychdaroǵlýǵa 28 is qozǵalǵan. Onyń advokaty Djelal Chelıktiń aıtýynsha, bul isterdiń basym bóligine Rejep Taıyp Erdoǵan sebepker bolyp otyr. Sonymen qatar, kóptegen sot isi boıynsha saıasatker 4 jylǵa deıin bas bostandyǵynan aıyrylýy múmkin. Jalpy alǵanda barlyq sot isi boıynsha bul merzim 110 jyldy quraıdy.
Alaıda, saıasatker Kylychdaroǵlý óziniń jeńilgenin moıyndaıtynyn nemese daýys berý nátıjelerine qarsy shyǵatynyn málimdemegen. Ol buqarany demokratııa úshin ashyq kúresti júzege asyrylmaıynsha jalǵastyratynyna sendirdi.
Eske sala keteıik, saıasatker mamyr aıynda ótken prezıdenttik saılaýdyń ekinshi týrynda 47,82% daýys jınap, Túrkııanyń qazirgi basshysy Erdoǵannan jeńilgen edi.
