21 ماۋسىمدا فرانتسيا استاناسى ءپاريجدىڭ ورتالىعىندا ۇلكەن جارىلىس بولدى. سالدارىنان 37-دەن استام ادام زارداپ شەكتى. بۇل تۋرالى Euronews جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، تورتەۋى اۋىر جاعدايدا، تاعى ەكى ادام ۇيىندىلەردىڭ استىندا بولۋى مۇمكىن. وقيعا پاريجدەگى امەريكا اكادەمياسىنىڭ عيماراتىندا بولدى.
گازدىڭ جارىلۋىنان كەيىن عيماراتتىڭ قاسبەتى جولعا قۇلاعان. جاقىن ماڭداعى ۇيلەردىڭ تۇرعىندارى ەۆاكۋاتسيالاندى.
وقيعا ورنىنا 200-دەن استام ءورت سوندىرۋشىلەر، قۇتقارۋ قىزمەتتەرى، سونداي-اق پاريج مەرى انن يدالگو كەلدى.
پروكۋرورلار جارىلىس سەبەبى "قاۋىپسىزدىك ەرەجەلەرىن بۇزۋ" نەمەسە "جەكە ادامداردىڭ ابايسىزدىعى” دەپ بولجاپ وتىر.
