Shyǵys Qazaqstan oblysyndaǵy qoryqtaǵy órtti sóndirýge 100-den astam adam qatysyp jatyr. Bul týraly Tótenshe jaǵdaılar mınıstrligi málimdedi, dep habarlaıdy “Adyrna” ulttyq portaly.
Búgin, 18 maýsym kúni saǵat 14:00-de Qatonqaraǵaı aýdany Sennoe aýylynan 3 shaqyrym jerde, Katonqaraǵaı ulttyq tabıǵı parkiniń Aqsý fılıalynyń aýmaǵynda (Ýst-Iazovskoe orman sharýashylyǵy, 44 oram) órt shyqty.
Oqıǵa ornynda Tótenshe jaǵdaılar departamentiniń 11 qyzmetkeri, 99 adam men 3 birlik orman sharýashylyǵy tehnıkasy, avıaııalyq orman qorǵaýdan 6 adam, jergilikti atqarýshy organdardan 7 adam jumys isteýde.
Keıinnen Qatonqaraǵaı ulttyq tabıǵı parkiniń Aqsý fılıaly aýmaǵyndaǵy órttiń oqshaýlanǵany belgili boldy.
Shyǵys Qazaqstan oblysynyń jańa ákimi Ermek Kósherbaev bir kún buryn órt shyqqan qoryq aýmaǵyna ushyp ketken bolatyn.
Eske salaıyq, órt Rıdder qalasynyń aýmaǵynda ornalasqan Batys Altaı memlekettik tabıǵı qoryǵynda bastalǵan.
