ىشكى ىستەر ءمينيسترى مارات احمەتجانوۆ باسقىنشىمەن ءوزى كەلىسسوز جۇرگىزگەنىن مالىمدەدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، باسقىنشى قىزدىڭ موينىنان ۇستاپ العان.
ول قىزدى موينىنان ۇستاپ، قورقىتقان. تەرگەۋ امالدارى ءجۇرىپ جاتىر. زارداپ شەككەندەر جوق. قازىر بارلىعىن دارىگەرلەر تەكسەرۋ ۇستىندە، ويتكەنى كوزدەن جاس اعىزاتىن گاز قولداندىق. ەشكىم زارداپ شەككەن جوق، مەن جاۋاپكەرشىلىكپەن مالىمدەيمىن. شابۋىلعا ارنالعان ارنايى تەحنيكا قولدانىلدى. باسىپ الۋ جۇمىستارى ويداعىداي ۇيىمداستىرىلدى، ارينە، قارسىلىق بولدى! بارلىعى تەرگەۋ بارىسىندا انىقتالادى، - دەدى مينيستر.كەيبىر مالىمەتتەرگە قاراعاندا، 2013 جىلدان بەرى باسقىنشى ناركولوگيالىق ديسپانسەردە ەسەپتە تۇرادى. قىلمىستىق ىستەر بويىنشا ەكى رەت سوتتالعان. باسقىنشى بانكتىڭ بارلىق اكتيۆتەرىن مۇگەدەك بالالار، كەدەيلەر مەن مۇقتاجدارعا ارنالعان قورلارعا اۋدارۋدى تالاپ ەتتى. ودان بولەك، ونىڭ بانكتىك نەسيەلەر بويىنشا ءبىراز قيىندىقتارى بار دەگەن نۇسقا بار. بەلگىلى بولعانداي، قۇقىق بۇزۋشى 1993 جىلى تۋعان مۋرادوۆ ءاليحان.
ۇقساس جاڭالىقتار
