Ishki ister mınıstri Marat Ahmetjanov basqynshymen ózi kelissóz júrgizgenin málimdedi, dep habarlaıdy “Adyrna” ulttyq portaly.
Onyń aıtýynsha, basqynshy qyzdyń moınynan ustap alǵan.
Ol qyzdy moınynan ustap, qorqytqan. Tergeý amaldary júrip jatyr. Zardap shekkender joq. Qazir barlyǵyn dárigerler tekserý ústinde, óıtkeni kózden jas aǵyzatyn gaz qoldandyq. Eshkim zardap shekken joq, men jaýapkershilikpen málimdeımin. Shabýylǵa arnalǵan arnaıy tehnıka qoldanyldy. Basyp alý jumystary oıdaǵydaı uıymdastyryldy, árıne, qarsylyq boldy! Barlyǵy tergeý barysynda anyqtalady, - dedi mınıstr.
Keıbir málimetterge qaraǵanda, 2013 jyldan beri basqynshy narkologııalyq dıspanserde esepte turady. Qylmystyq ister boıynsha eki ret sottalǵan.
Basqynshy banktiń barlyq aktıvterin múgedek balalar, kedeıler men muqtajdarǵa arnalǵan qorlarǵa aýdarýdy talap etti.
Odan bólek, onyń banktik nesıeler boıynsha biraz qıyndyqtary bar degen nusqa bar.
Belgili bolǵandaı, quqyq buzýshy 1993 jyly týǵan Mýradov Álıhan.
