19-21 ماۋسىم كۇندەرى توقاەۆتىڭ شاقىرتۋىمەن گەرمانيانىڭ فەدەرالدى پرەزيدەنتى فرانك-ۆالتەر شتاينمايەر قازاقستانعا مەملەكەتتىك ساپارمەن كەلە جاتىر، دەپ حابارلايدى “ادىرنا” ۇلتتىق پورتالى
ەكى ەل باسشىلارى ساپار اياسىندا كەلىسسوزدەر جۇرگىزەدى، ساۋدا-ەكونوميكالىق، ينۆەستيتسيالىق سالالارداعى ىنتىماقتاستىقتى كەڭەيتۋگە، كولىك-لوگيستيكالىق جانە ەنەرگەتيكالىق قاتىناستاردى دامىتۋعا، سونداي-اق گۋمانيتارلىق بايلانىستاردى تەرەڭدەتۋگە باسا ءمان بەرىلەدى.
قازاقستان مەن گەرمانيا اراسىنداعى ستراتەگيالىق سەرىكتەستىكتىڭ جاي-كۇيى مەن ونى نىعايتۋ پەرسپەكتيۆالارى قاراستىرىلادى. كەلىسسوزدەر قورىتىندىسى بويىنشا ەكىجاقتى بىرقاتار قۇجاتقا قول قويىلادى دەپ جوسپارلانىپ وتىر. سونىمەن قاتار گەرمانيانىڭ فەدەرالدى پرەزيدەنتى قازاقستان مەن گەرمانيا ۋنيۆەرسيتەتتەرى رەكتورلارىنىڭ فورۋمىندا ءسوز سويلەيدى. ەكى ەل پرەزيدەنتتەرى قازاق-گەرمان بيزنەس فورۋمىنا قاتىسادى. فرانك-ۆالتەر شتاينمايەر ساپار اياسىندا ماڭعىستاۋ وبلىسىنا بارىپ،ءوڭىردىڭ ەكونوميكالىق الەۋەتىمەن تانىسادى، - دەپ جازىلعان حابارلامادى.سونداي-اق، فرانك-ۆالتەر شتاينمايەر ساپار اياسىندا ماڭعىستاۋ وبلىسىنا بارىپ،ءوڭىردىڭ ەكونوميكالىق الەۋەتىمەن تانىسادى. گفر پرەزيدەنتى قازاقستان-گەرمانيا ينجينيرينگ ينستيتۋتىنىڭ اشىلۋىنا جانە Svevind شۆەد-گەرمان كومپانياسىنىڭ جاسىل سۋتەگى وندىرەتىن زاۋىتىنىڭ سىناما بۇرعىلاۋ جۇمىستارىن باستاۋ راسىمىنە قاتىسادى دەپ جوسپارلانىپ وتىر. ايتا كەتەيىك، فرانك-ۆالتەر شتاينمايەر ماڭعىستاۋ وبلىسىنا ساپارمەن باراتىن العاشقى ەۋروپالىق پرەزيدەنت بولماق.
ۇقساس جاڭالىقتار
