بوكستان قازاقستاننىڭ ەڭبەك سىڭىرگەن جاتتىقتىرۋشىسى ساپابەك مۇقىشەۆ وگەي قىزىن زورلادى دەگەن كۇدىككە ءىلىندى. بۇل تۋرالى قوستاناي وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
جاتتىقتىرۋشىنىڭ وگەي قىزى 20 جاستا. ول ارىزدى 2022 جىلعى قاراشادا جازعان. الايدا بۇل قازىر عانا بەلگىلى بولعان.
دەرەككە قاتىستى بىردەن 2 باپ – «زورلاۋ» جانە «بىرنەشە رەت زورلاۋ» بويىنشا سوتقا دەيىنگى تەرگەۋ باستالدى.
تەرگەۋ اياسىندا بىرقاتار سوت-مەديتسينالىق ساراپتاما تاعايىندالىپ، جۇرگىزىلدى، ونىڭ قورىتىندىسى بويىنشا سوڭعى پروتسەسسۋالدىق شەشىم قابىلدانادى. كۇدىكتىگە قاتىستى بۇلتارتپاۋ شاراسى تاڭدالمادى، زارداپ شەككەن تاراپ قورعاۋعا الىندى، - دەپ مالىمدەدى قوستاناي وبلىستىق پوليتسيا دەپارتامەنتىنىڭ ءباسپاسوز قىزمەتى.
