2026 جىلى اباي وبلىسىنىڭ اقسۋات اۋدانىنداعى قارعىبا وزەنىندە جاڭا سۋ قويماسى سالىنادى، دەپ حابارلايدى "ادىرنا" ۇلتتىق پورتالى.
قازىر نىساننىڭ جوبالىق-سمەتالىق قۇجاتتاماسى ازىرلەنىپ جاتقانى ايتىلدى.
اباي وبلىسى بويىنشا “قازسۋشار” رمك فيليالىنىڭ باسشىسى جارقىنبەك بايسابىروۆ تەكسەرىس بارىسىندا بارلىق تاراپ جوبانى ەگجەي-تەگجەيلى تالقىلاپ، ءوز ۇسىنىستارىن بىلدىرگەنىن اتاپ ءوتتى.
– اۋداندىق اكىمدىكپەن بىرلەسىپ ىشكى كانالدار قارالدى. جەرگىلىكتى اتقارۋشى ورگاندار ولاردىڭ رەكونسترۋكتسياسىنا جوبالىق-سمەتالىق قۇجاتتامانى ازىرلەۋمەن اينالىسادى. جاڭا سۋ قويماسى مەن ماگيسترالدىق كانالدار اۋداننىڭ يرريگاتسيالىق جۇيەلەرىنىڭ تولىققاندى ءارى ءتيىمدى جۇمىسىن قامتاماسىز ەتپەك، – دەدى ول.
ۇقساس جاڭالىقتار
