جەتىسۋ وبلىسىندا گازداندىرۋعا جاتاتىن 192 ەلدى مەكەنىڭ قازىرگى كەزدە 22-سىنە گاز قۇبىرى تارتىلدى، 288 مىڭ ادام گازعا قول جەتكىزۋگە مۇمكىندىك الدى. سونىڭ ىشىندە 12 اۋىل وبلىس قۇرىلعاننان كەيىن گازداندىرىلدى. 2023 جىلدىڭ سوڭىنا دەيىن تاعى 18 ەلدى مەكەن گازعا قوسىلادى. بۇل جايىندا بۇگىن جۋرناليستەرگە بريفينگ بارىسىندا جەتىسۋ وبلىسىنىڭ اكىمى بەيبىت يساباەۆ ايتىپ بەردى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
وبلىس باسشىسىنىڭ ايتۋىنشا، پرەزيدەنتتىڭ تاپسىرماسىن ورىنداۋ اياسىندا 2025 جىلعا قاراي كەربۇلاق اۋدانىنان تالدىقورعانعا دەيىنگى بارلىق ەلدى مەكەندەر گازداندىرىلاتىن بولادى. سونىڭ ناتيجەسىندە 506,6 مىڭنان استام تۇرعىن نەمەسە جەتىسۋلىقتاردىڭ 71,7% كوگىلدىر وتىنعا قوسىلۋعا مۇمكىندىك الادى.
- وسى ماقساتتا «تالدىقورعان - ءۇشارال» ماگيسترالدى گاز قۇبىرى قۇرىلىسىنىڭ جسق-سى دايىندالۋدا. اقسۋ، سارقان، الاكول اۋداندارىنداعى 124 مىڭ حالقى بار تاعى 66 ەلدى مەكەندى گازداندىرامىز. جوبانىڭ 2024-2028 جىلدارى ىسكە اسىرىلادى، - دەدى ب.يساباەۆ.
جەتىسۋ وبلىسى اكىمىنىڭ ءباسپاسوز قىزمەتى
