Jetisý oblysynda gazdandyrýǵa jatatyn 192 eldi mekeniń qazirgi kezde 22-sine gaz qubyry tartyldy, 288 myń adam gazǵa qol jetkizýge múmkindik aldy. Sonyń ishinde 12 aýyl oblys qurylǵannan keıin gazdandyryldy. 2023 jyldyń sońyna deıin taǵy 18 eldi meken gazǵa qosylady. Bul jaıynda búgin jýrnalısterge brıfıng barysynda Jetisý oblysynyń ákimi Beıbit Isabaev aıtyp berdi, - dep habarlaıdy Jetisý oblysy ákiminiń baspasóz qyzmeti.
Oblys basshysynyń aıtýynsha, Prezıdenttiń tapsyrmasyn oryndaý aıasynda 2025 jylǵa qaraı Kerbulaq aýdanynan Taldyqorǵanǵa deıingi barlyq eldi mekender gazdandyrylatyn bolady. Sonyń nátıjesinde 506,6 myńnan astam turǵyn nemese jetisýlyqtardyń 71,7% kógildir otynǵa qosylýǵa múmkindik alady.
- Osy maqsatta «Taldyqorǵan - Úsharal» magıstraldy gaz qubyry qurylysynyń JSQ-sy daıyndalýda. Aqsý, Sarqan, Alakól aýdandaryndaǵy 124 myń halqy bar taǵy 66 eldi mekendi gazdandyramyz. Jobanyń 2024-2028 jyldary iske asyrylady, - dedi B.Isabaev.
Jetisý oblysy ákiminiń baspasóz qyzmeti
