جەتىسۋ جەرىنىڭ تابيعي-كليماتتىق جاعدايى ءتۋريزمنىڭ بارلىق ءتۇرىن دامىتۋعا مۇمكىندىك بەرەدى. وسى مۇمكىندىكتى ءتيىمدى پايدالانۋ ءۇشىن ايماقتا ينفراقۇرىلىمدى جاقسارتۋ جۇمىستارى قارقىندى ءجۇرىپ جاتىر. بۇل تۋرالى بۇگىن جۋرناليستەرگە ارنالعان بريفينگ كەزىندە جەتىسۋ وبلىسىنىڭ اكىمى بەيبىت يساباەۆ بايانداپ بەردى، - دەپ حابارلايدى وبلىس اكىمىنىڭ ءباسپاسوز قىزمەتى.
ءوڭىر باسشىسىنىڭ ايتۋىنشا، وتكەن جىلى ءۇشارال قالاسى اۋەجايىنىڭ ۇشۋ-قونۋ جولاعى ىسكە قوسىلدى، «تالدىقورعان-ءۇشارال»، «ءۇشارال-دوستىق» اۆتوموبيل جولدارىنىڭ اسفالتبەتون جابىنى توسەلدى، بيىل تولىق اياقتالادى. تۋريستىك ماۋسىمعا دەيىن جول بويىندا قىزىلاعاش، جانسۇگىروۆ، كولباي، قابانباي ەلدى مەكەندەرىنىڭ تۇسىندا اجەتحانا مەن ەستاكاداسى بار دەمالۋ الاڭدارى ىسكە قوسىلادى.
- بالقاشقا دەيىنگى جول قۇرىلىسىنىڭ 70%-ى بىتەدى، كەلەسى جىلى تولىق اياقتاپ، جاعالاۋداعى ينجەنەرلىك – كوممۋنيكاتسيالىق جەلىلەردىڭ قۇرىلىسىن باستايمىز. سونىڭ ناتيجەسىندە بارلىق رەسپۋبليكالىق ماڭىزى بار جولداردىڭ ساپاسى جاقسارادى. كەلەسى جىلى سارىوزەك-جاركەنت جولىنىڭ جوندەۋ جۇمىستارى اياقتالادى، - دەدى ب.يساباەۆ.
ودان بولەك تەكەلىدە تاۋ ءتۋريزمىن دامىتۋعا كوڭىل ءبولىنىپ، شاڭعى-بياتلون كەشەنىن سالۋدىڭ جوبالىق-سمەتالىق قۇجاتى ازىرلەنۋدە، «بۇرقانبۇلاق» سارقىراماسىنا دەيىنگى جول قايتا جاڭارتىلادى. سول سياقتى شوقان ءۋاليحانوۆ كەسەنەسىنە دەيىنگى 6,5 شاقىرىم جولعا ورتاشا جوندەۋ جۇمىستارى تامىزدا اياقتالادى، جەرگىلىكتى بيۋدجەتتەن 253 ملن. تەڭگە ءبولىندى. «قازقايتاجاڭارتۋ» رمك ۇيىمى مۋزەي كەشەنىنە كۇردەلى جوندەۋدى باستادى.
جەتىسۋ وبلىسى اكىمىنىڭ ءباسپاسوز قىزمەتى.
