اباي وبلىسىندا ورىن العان اپات كەزىندە مەملەكەتتىك ورگانداردىڭ جۇمىسىنا ەرىكتىلەر مەن بەلسەندى ازاماتتار قوسىلدى، دەپ حابارلايدى “ادىرنا” ءتىلشىسى.
“جۇمىلا كوتەرگەن جۇك جەڭىل” دەمەكشى ابايداعى لاۋلاعان ءورت ايماعىندا جۇرگەندەرگە 180-نەن استام ەرىكتىلەر كومەك كورسەتۋگە اسىق. تىنىمسىز ەڭبەك ەتىپ جاتقان ءورت سوندىرۋشىلەرمەن بىرگە ءۇش شتابقا بولىنگەن جەرگىلىكتى جەلى مۇشەلەرىدە اۋىسىممەن قولدان كەلەر كومەكتى اياماۋدا.
ء“بىزدىڭ تاعدىرىمىز ءبىر!” دەگەن ۇلتتىق ۆولونتەرلىك جەلىسىندەگى ەرىكتىلەردىڭ ءبىر بولىگى ازىق-تۇلىك پەن قاجەتتى زاتتاردى ساتىپ الىپ، بۋىپ-ءتۇيىپ، تاماق ازىرلەۋمەن اينالىسسا، اۆتوەرىكتىلەر زاتتاردى تاسىمالدايدى. ورماندا ءجۇرىپ-تۇرۋعا رۇقسات قاعازى بارلار كۇزەت پۋنكتىنە دەيىن زاتتاردى جەتكىزىپ وتىرادى.
اتالمىش جەلى ەكى كۇن ىشىندە تۇرعىنداردان 14.789.129,63 تەڭگە كولەمىندە قاراجات جيناعان. بۇل اقشا ناقتى ماقساتتا، اپات ايماعىندا تۇرىپ جاتقان تۇرعىندار مەن ءورتتى سوندىرۋدە قىزمەت ەتىپ جاتقان ازاماتتاردىڭ قاجەتتىلىگىنە باعىتتالاتىن بولادى.
تەك بۇگىن عانا 400 كەلى قوي جانە قۇس ەتىمەن، 600 كەلى كارتوپ، ءسابىز، پياز سىندى كوكونىستەرمەن، 100 ليتر وسىمدىك مايىمەن تۇرعىندار قامتاماسىز ەتىلگەن.
