31 تامىزدا پاۆلودار قالاسىنداعى «جايلاۋ» بازارىندا ەر ادام ءوزىن ورتەمەك بولعان. قازىرگى تاڭدا بۇل وقيعاعا قاتىستى قىلمىستىق ءىس قوزعالدى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتىنىڭ مالىمەتىنشە، بۇل جاعدايعا جالداۋ اقىسىنا بايلانىستى ماسەلە سەبەپ بولعان.
«وقيعا ورنىندا پوليتسيا قىزمەتكەرلەرى مەن بازار اكىمشىلىگى دەرەۋ قاۋىپسىزدىك شارالارىن قابىلداپ، جەدەل جاردەم شاقىردى. ەر اداممەن قۇقىق قورعاۋ ورگاندارى اڭگىمە جۇرگىزدى. قازىرگى تاڭدا جاعدايى تۇراقتى دەپ باعالانىپ وتىر»،—دەپ تولىقتىردى پد ءباسپاسوز قىزمەتى.
وقيعانىڭ ءمان-جايىن ءتارتىپ ساقشىلارى تەرگەۋ بارىسىندا انىقتايتىن بولادى.
ۇقساس جاڭالىقتار
