Bılet qunyn negizsiz ósirgeni úshin Air Astana áýe kompanııasyna 7 mlrd teńgege jýyq ákimshilik aıyppul salyndy, dep habarlaıdy «Adyrna» tilshisi.
Básekelestikti qorǵaý jáne damytý agenttigi halyqtyń avıabıletter baǵasynyń úzdiksiz ósýine, ásirese joǵary suranys kezeńinde qatty synǵa alýyna baılanysty Kólik prokýratýrasy organdarymen birlesip, kompanııa qyzmetine tekseris júrgizdi.
«Tekserý qorytyndysy boıynsha Air Astana is-áreketterinde avıatasymaldar naryǵyndaǵy ústem jaǵdaıdy teris paıdalaný faktileri áshkere bolyp, árbir avıabıletten janarmaı alymyn negizsiz alǵany anyqtaldy.
2023 jyldyń 8 maýsymynda Almaty qalasynyń ákimshilik quqyq buzýshylyqtar jónindegi Mamandandyrylǵan aýdanaralyq soty Air Astana-ǵa qatysty 6,7 mlrd teńge kóleminde ákimshilik aıyppul saldy.
Sot sheshimi zańdy kúshine engen joq»,—dedi basqarma.
