بىلتىر وسكەمەن قالاسىندا ترامۆاي جولاقىسى قىمباتتاعان ەدى. بيىل شىعىس قازاقستان وبلىسىنداعى ەكى قالادا اۆتوبۋس جولاقىسى 120 تەڭگەگە قىمباتتاماق. اۋدان اكىمدىگى مۇنداي ارەكەتىنىڭ سەبەبىن دە ءتۇسىندىرىپ ۇلگەردى، دەپ حابارلايدى "ادىرنا" ۇلتتىق پورتالى.
التاي اۋدانىنداعى التاي جانە سەرەبريانسك قالالارىندا وسىعان دەيىن قوعامدىق كولىك جولاقىسى 80 تەڭگە بولعان. ەندى ول 120 تەڭگەگە دەيىن كوتەرىلەدى. بۇل تۋرالى شقو اقپارات ورتالىعىندا وتكەن ءباسپاسوز ءماسليحاتى بارىسىندا اۋدان اكىمىنىڭ ورىنباسارى جاننا اسقاروۆا ءمالىم ەتتى.
«اۆتوبۋس جولاقىسى سوڭعى 5 جىل بويى قىمباتتاماعان. تاسىمالداۋشىلار ۇلكەن شىعىنعا ۇشىراپ جاتقاندىقتارىن ايتۋدا. سەبەبى جانار-جاعارماي مەن قوسالقى بولشەكتەر باعاسى ءوسىپ كەتكەن. سوعان بايلانىستى جولاقى 120 تەڭگەگە دەيىن كوتەرىلەدى. قازىر تۇرعىن ءۇي-كوممۋنالدىق شارۋاشىلىق ءبولىمى قاجەتتى قۇجاتتاردى دايىنداپ جاتىر»، - دەيدى ول.
ەسكە سالساق، بىلتىر وسكەمەندە ترامۆاي جولاقىسى قىمباتاعان-تۇعىن.
"ادىرنا" ۇلتتىق پورتالى
