قىرىمنان قايتقان وقۋشىلار. مينيستر جازاسى

ونىڭ ايتۋىنشا، بالالاردىڭ ءبارى اتا-انالارىنا تابىستالعان. "مۇعالىم ءتيىستى جازاعا تارتىلدى. بۇل ءىس-شارا اتا-انالاردىڭ كەلىسىمىمەن وتكىزىلدى. بۇدان ءارى بولاشاقتا بۇعان جول بەرمەۋ ءۇشىن مينيسترلىكتىڭ بۇيرىعىنسىز جانە بالالاردىڭ قۇقىقتارىن قورعاۋ كوميتەتىنىڭ رۇقساتىنسىز وقۋشىلاردىڭ شەتەلگە شىعۋىنا تىيىم سالۋ بويىنشا جۇمىس جۇرگىزەمىز", - دەدى ول. ەسكە سالا كەتسەك، بۇعان دەيىن قازاقستاندىق مەكتەپ وقۋشىلارى قىرىمنىڭ وڭتۇستىك جاعالاۋىنداعى «ارتەك» لاگەرىنە 24 كۇنگە جىبەرىلەتىنى بەلگىلى بولعان. بۇل اقپاراتتى استانا قالاسىنداعى «استاناداعى ورىس ءۇيى» جاريالاعان ەدى. فوتودا «رەسپۋبليكالىق فيزيكا-ماتەماتيكا مەكتەبىنىڭ» (رفمم) مۇعالىمى لاۋرا ءىلياسوۆا بار. بالالار قىرىمعا 24 كۇنگە اتتانعان. الەۋمەتتىك جەلىدە بۇل وقيعانى قاتاڭ سىناپ، مينيسترلىكتەن تۇسىنىكتەمە تالاپ ەتكەندەر كوپ بولعان. بۇدان بۇرىن وكق-دا وتكەن ءباسپاسوز ءماسليحاتى بارىسىندا وقۋ-اعارتۋ مينيسترلىگى بالالاردىڭ قۇقىعىن قورعاۋ كوميتەتىنىڭ ءتورايىمى ناسىمجان وسپانوۆا اتا-انالار وزدىگىنەن، ءبىلىم بەرۋ ۇيىمدارىنا حابار بەرمەي، اتالعان ايماققا بالالارىمەن كەتىپ قالعانىن ايتقان. ال عاني بەيسەمباەۆ قىرىمعا بالالاردى جىبەرگەن مەكتەپتەرگە وبلىستىق ءبىلىم باسقارماسى تاراپىنان قاتاڭ ەسكەرتۋلەر بەرىلگەنىن مالىمدەگەن.