Oqý-aǵartý mınıstri Ganı Beısembaev Qyrymǵa lagerge ketken oqýshylardyń elge aman-esen oralǵanyn málimdedi, dep habarlaıdy "Adyrna" portaly.
Onyń aıtýynsha, balalardyń bári ata-analaryna tabystalǵan.
"Muǵalim tıisti jazaǵa tartyldy. Bul is-shara ata-analardyń kelisimimen ótkizildi. Budan ári bolashaqta buǵan jol bermeý úshin mınıstrliktiń buıryǵynsyz jáne Balalardyń quqyqtaryn qorǵaý komıtetiniń ruqsatynsyz oqýshylardyń shetelge shyǵýyna tyıym salý boıynsha jumys júrgizemiz", - dedi ol.
Eske sala ketsek, buǵan deıin qazaqstandyq mektep oqýshylary Qyrymnyń ońtústik jaǵalaýyndaǵy «Artek» lagerine 24 kúnge jiberiletini belgili bolǵan. Bul aqparatty Astana qalasyndaǵy «Astanadaǵy orys úıi» jarııalaǵan edi. Fotoda «Respýblıkalyq fızıka-matematıka mektebiniń» (RFMM) muǵalimi Laýra Ilııasova bar. Balalar Qyrymǵa 24 kúnge attanǵan.
Áleýmettik jelide bul oqıǵany qatań synap, mınıstrlikten túsinikteme talap etkender kóp bolǵan. Budan buryn OKQ-da ótken baspasóz máslıhaty barysynda Oqý-aǵartý mınıstrligi Balalardyń quqyǵyn qorǵaý komıtetiniń tóraıymy Nasymjan Ospanova ata-analar ózdiginen, bilim berý uıymdaryna habar bermeı, atalǵan aımaqqa balalarymen ketip qalǵanyn aıtqan.
Al Ǵanı Beısembaev Qyrymǵa balalardy jibergen mektepterge oblystyq bilim basqarmasy tarapynan qatań eskertýler berilgenin málimdegen.
