الەۋمەتتىك جەلىدە سەمەيدەگى «جاس ۇلان» اسكەري مەكتەبىنىڭ كىشى كۋرسانتتارىن ۇرىپ جاتقان بەينەروليكتەر تارادى. اباي وبلىسىنىڭ ءبىلىم باسقارماسى وقيعاعا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«3 اقپاندا الەۋمەتتىك جەلىلەردى باقىلاۋ بارىسىندا 111-ۆزۆود ۇلانىنا 91-ۆزۆود ۇلانى سوققى بەرگەن بەينەجازبا تابىلدى. بۇدان بولەك، وفيتسەر 71-ۆزۆود ۇلانىن بەلبەۋىمەن ۇرعان بەينەجازبا تابىلدى. جوعارىدا اتالعان فاكتىلەر 2022 جىلدىڭ قازانىندا بولعان»،—دەپ ءتۇسىندىردى باسقارما.
قىزمەتتىك تەرگەۋ بارىسىندا ۇرىپ-سوعۋ فاكتىلەرى راستالعان.
«كىنالىلەرگە قاتىستى تارتىپتىك جازا قولدانىلدى. 111-ۆزۆودتىڭ تاربيەلەنۋشىسى 2023 جىلدىڭ 6 اقپانىندا وقۋدان شىعارىلدى، وفيتسەر 2023 جىلدىڭ 8 اقپانىندا قىزمەتىنەن بوساتىلدى. ۇلاندار اراسىنداعى قارىم-قاتىناس، جانجالدى جاعدايلار مەن پەداگوگتەردىڭ ءىس-ارەكەتتەرى اباي وبلىسى ءبىلىم باسقارماسىنىڭ باسشىلىعىنىڭ تۇراقتى باقىلاۋىندا»،—دەپ تولىقتىردى ۆەدومستۆو.
<
