پارلامەنت ءماجىلىسىنىڭ دەپۋتاتى بەكبولات تىلەۋحان مەملەكەت باسشىسى قاسىم-جومارت توقاەۆتىڭ استانا قالاسىنىڭ اتاۋىن وزگەرتۋ تۋرالى ۇسىنىسىنا قاتىستى پىكىر ءبىلدىردى. بۇل تاريحي ءارى ءادىل شەشىم، دەپ باعا بەردى دەپۋتات.
ءوز سوزىندە بەكبولات تىلەۋحان مەملەكەت باسشىسىنىڭ ۇسىنىسىن قولدايتىنىن ايتتى. ول قاسىم-جومارت توقاەۆتىڭ جاساعان ۇسىنىسىنىڭ ءبارى اقىلعا قونىمدى ەكەنىن اتاپ ءوتتى، دەپ حابارلايدى Sputnik قازاقستانعا سىلتەمە جاساپ Stan.kz.
«مەن ءوزىمدى قاشاننان بەرى نۇرسۇلتان قالاسىنىڭ تۇرعىنى رەتىندە سەزىنىپ جۇرگەنمىن. جالپى بۇل تاريحي جانە وتە ءادىل شەشىم. ءبىز زاڭعا باعىنعان ساياساتتىڭ ادامىمىز. ارينە، زاڭ بويىنشا، ىشكى ەرەجەمىز بويىنشا ءجۇرۋدى مىندەت دەپ ەسەپتەيمىن.
ەلباسى قانداي قۇرمەت جاساساق تا، وعان لايىق دەپ بىلەمىن. ەلباسىنىڭ باعىتىن قاشاننان بەرى قولداعان ارىپتەس رەتىندە، قازاق بالاسى رەتىندە مۇنى قولدايمىن»، - دەيدى تىلەۋحان.
سونىمەن قاتار ءماجىلىس دەپۋتاتى ەلىمىزدىڭ جاڭا پرەزيدەنتى حالىق الدىندا بەرگەن اتىنا بەرىك بولاتىنىنا كۇماندانبايتىنىن جەتكىزدى. بەكبولات تىلەۋحان توقاەۆتىڭ قازاقستاننىڭ قالىپتاسۋىنا وزىندىك ۇلەسىن قوسقان ساياسي تۇلعا ەكەنىن اتاپ ءوتتى.
«سوندىقتان انتىنا، ۋادەسىنە بەرىك بولاتىنىنا كۇمانىم جوق»، - دەيدى دەپۋتات.
ايتا كەتسەك، بۇگىن پرەزيدەنت اتانعان قاسىم-جومارت توقاەۆ استانا قالاسىنىڭ اتاۋىن نۇرسۇلتان دەپ وزگەرتۋدى ۇسىندى.
Stan.kz
